Manchester United ka fituar 20 tituj kampionalë, më shumë se secili klub tjetër, 12 Fa Cup, pesër League Cup, dhe një rekord tjetër prej 21 Superkupash. Klubi ka fituar tri trofe të Ligës së kampionëve, një të Ligës së Evropvs, një Kupë të fituesve të kupave të UEFA-s, një UEFA Superkupë, një International Cup dhe një Kupë të Botës për klube. Në sezonin 1998-1999, klubi u bë ekipi i parë në histroi të futbollit anglez që arriti tripletën e titujve – Ligën Premier, FA Cup dhe Ligën e Kampionëve.

Më 1958 u shënua një tragjedi e madhe për klubin. Në Munich ndodhi katastrofa ajrore e cila kaloi me humbjen e jetës së tetë lojtarëve.

Më 1968 nën menaxhmentin e Matt Busby, Manchester Untied u bë ekipi i parë që fitoi një trofe që sot është Liga e Kampionëve.

Sir Alex Ferguson është menaxheri më i suksesshëm në histori të klubit me 38 trofe, përfshirë 13 trofe të Ligës Premier, 5 FA Cup, 2 Liga të Kampionëve. Aktualisht trajner është Louis Van Gaal i cili e zëvëndësoi pasuesin e parë të Fergusonit, David Moyes.

Manchester United ishte klubi i dytë më fitimprurës në botën e futbollit në vitin 2013/2014, me përfitime prej 518 milionë euro, teksa është klubi i tretë më i vlefshëm në botë për vitin 2015, me vlerë prej 1.98 miliardë dollarë.

Eshtë një prej klubeve më të dashura në mbarë botën. Klubi u ble nga Malcolm Glazer në maj të vitit 2005 në një marrëveshje që peshonte plot 800 milionë funte.

Klubi ka rivalitete të mëdha me shume klube, por ato që veçohen janë rivaliteti me Liverpoolin dhe Manchester Cityn.

TROFETE vendore

Liga Premier (20): 1907–08, 1910–11, 1951–52, 1955–56, 1956–57, 1964–65, 1966–67, 1992–93, 1993–94, 1995–96, 1996–97, 1998–99, 1999–2000, 2000–01, 2002–03,2006–07, 2007–08, 2008–09, 2010–11, 2012–13
Liga e Dytë (2): 1935–36, 1974–75

FA Cup (12): 1908–09, 1947–48, 1962–63, 1976–77, 1982–83, 1984–85, 1989–90, 1993–94, 1995–96, 1998–99, 2003–04, 2015-16.
League Cup (4): 1991–92, 2005–06, 2008–09, 2009–10

Superkupa (21): 1908, 1911, 1952, 1956, 1957, 1965*, 1967*, 1977*, 1983, 1990*, 1993, 1994, 1996, 1997, 2003, 2007, 2008, 2010, 2011, 2013, 2016

Evropiane
Liga e Kampionëve: (3) 1967–68, 1998–99, 2007–08
Liga e Evropës: (1) 2016-17
UEFA Kupa e fituesve të Kupave: (1) 1990-91
UEFA Super Cup: (1) 1991

Botërore
Kupa interkontinentale:  1999
FIFA Kupa e Botës për klube: 2008

Rivaliteti

Manchester United gëzon rivalitetin më të madh me Liverpoolin, që njihet prej rivaliteteve më të mëdha në botë për shkak të faktit se cili është klubi më i trofeshëm anglez. Në vitet e fundit United e ka marrë këtë epitet pasi tash e më se dy dekada Liverpooli nuk ka marrë asnjë trofe dhe United e ka tejkaluar me tituj. Derbit mes këtyre dy skuadrave janë të zjarrta.

Tjetër rivalitet që ia vlen të përmendet është ai me Manchester Cityn, rivalitet i zjarrtë ky në vitet e fundit falë investimeve të bëra nga City, megjithëse United është klub më i trofeshëm dhe me traditë më të madhe.

Nofka – The Red Devils (Djajtë e Kuq)

Stadiumi

Manchester United gëzon një prej stadiumeve më emblematike në botë, që ka kaluar nëpër faza të ndryshimeve gjatë historisë së klubit që nga vitet e hershme të Unitedit në futbollin anglez.

Kapaciteti i Old Trafford është 75 mijë e 957 shikues, dhe ka mesataren e dytë më të madhe të shikueshmërisë në Evropë, pas Borusia Dortmundit.