Jared Leto nuk njihet në filmin e ri “House of Gucci”

Është publikuar paraqitja e shkurtër për “House of Gucci”, ndërsa përdoruesit e mediave sociale nuk pushojnë së komentuari për dukjen e Jared Leto, i cili duket krejtësisht ndryshe në film.

Në këtë film, ai luan rolin e Paolo Gucci, i cili dikur ishte nënkryetar i kompanisë Gucci.

Filmi i Ridley Scott, për të cilin shumë parashikojnë se do të jetë një nga filmat më të mëdhenj këtë vit, bazohet në historinë e vërtetë të Patrizia Regiana, e cila u dënua për orkestrimin e vrasjes së ish-burrit të saj dhe ish-drejtorit të shtëpisë së modës Gucci, Maurizio.

Patricia luhet nga Lady Gaga, kurse Maurizio nga Adam Driver. Jeremy Irons, Salma Hayek e Al Pacino, janë yjet tjera të këtij filmi.

“Lady Gaga në ‘House of Gucci’. Ky është një moment historik”; “Bota nuk është gati për këtë”; “Gaga do të dominojë sezonin e ardhshëm të çmimeve të filmit” – kanë shkruar mes tjerash përdoruesit e Twitterit duke iu referuar këngëtares, e cila po bën gjithnjë e më shumë emër në industrinë e filmit. /Telegrafi/