Kjo është pasuria e ministrave të Qeverisë Kurti 2

Kuvendi i Kosovës me 67 vota për dhe 30 kundër ka zgjedhur Albin Kurtin për ta udhëhequr kabinetin e ri qeveritar.

Kurti në menaxhim pritet t’i ketë 3 zëvendëskryeministra dhe 15 ministra.

Sipas përllogaritjeve të dala nga raportet e deklarimit të pasurisë në Agjencisë Kundër Korrupsion (AKK), shkruan Telegrafi, del se kryeministri Kurti ka një pasuri të paluajtshme prej 400 mijë euro, mbi 11 mijë euro para të gatshme dhe rreth 232 mijë euro detyrime emër të bashkëshortes.

Ai thotë se nuk posedon aksione apo letra me vlerë në shoqëri të ndryshme komerciale.

Për sa i përket parave të gatshme, Kurti ka deklaruar se ka rreth 1,800 mijë euro në xhirollogari bankare, ndërsa mbi 11 mijë e 400 euro janë në emër të bashkëshortes.

Nga të hyrat vjetore, ai thotë se nga paga ka marr 8 mijë e 700 euro.

Vartësi i parë i Kurtit, Besnik Bislimi në AKK ka deklaruar pasuri të paluajtshme në emër tij, të blera me kredi, në vlerë prej 380 mijë euro, kurse në emër të bashkëshortes ka një banesë në vlerë prej 48 mijë euro, po ashtu e blerë me kredi.

Bislimi thotë se ka dy vetura, njëra në emër të bashkëshortes, në vlerë të përgjithshme prej 32 mijë euro.

Ai në deklarimin e pasurisë tregon se nuk ka aksione apo letra me vlerë në shoqëri të ndryshme komerciale.

Zëvendëskryeministri i parë, tregon se ka 20 mijë euro para të gatshme, kurse detyrimet financiare të tij janë 260 mijë euro.

Të hyrat vjetore të Bislimit janë nga AUK dhe nga Ministria e Financave dhe Transfereve deri sa ishte në krye të këtij institucioni.

Disa nga ministrat aktual të Qeverisë Kurti II, nuk kanë ushtruar funksione publike, për të cilët mungojnë raportet e deklarimit në AKK, përcjell Telegrafi.

Njëra nga këto është edhe Donika Gërvalla, e cila është emëruar pozitën e zëvendësministres dhe ministres së Punëve të Jashtme.

Vartësja e tretë e kryeministrit Kurti është Emilija Rexhepi, e cila është emëruar në pozitën e zëvendëskryeministres.

Rexhepi thotë se ka tokë nga trashëgimia në vlerë prej 470 mijë euro. Ajo posedon një veturë Mercedes E Class në vlerë prej 15 mijë euro.

Zëvendëskryeministrja Rexhepi në deklarim thotë se nuk ka para të gatshme, aksione apo letra me vlerë në shoqëri të ndryshme komerciale.

Sipas deklarimit, ajo tregon se ka një kredi në vlerë prej 10 mijë euro.

Nga të hyrat vjetore, Rexhepi thotë se ka mbi 17 mijë euro, kurse 3,800 euro janë nga mëditjet.

Albin Kurti, kryeministër
Pasuri: 400 mijë euro në emër të bashkëshortes
Veturë: Nuk ka
Para të gatshme: 1,800 euro dhe 11,400 euro në emër të bashkëshortes
Detyrime: 232 mijë euro në emër të bashkëshortes
Të hyrat vjetore: 8,700 euro

Besnik Bislimi, zëvendëskryeministër i parë për Integrime Evropiane, Zhvillim dhe Dialog
Pasuri: 380 mijë euro dhe 48 mijë euro në emër të bashkëshortes
Veturë: 28 mijë euro dhe 4 mijë euro në emër të bashkëshortes
Para të gatshme: 13,800 euro dhe 6,200 euro në emër të bashkëshortes
Detyrime: 215 mijë euro dhe 45 mijë euro në emër të bashkëshortes
Të hyrat vjetore: 4,200 euro

Donika Gërvalla, zëvendëskryeministre e dytë dhe ministre e Punëve të Jashtme
Mungon raportimi në AKK

Emilija Rexhepi, zëvendëskryeministre e tretë për Çështje të Pakicave dhe të Drejtat e Njeriut
Pasuri: 470 mijë euro nga trashëgimia familjare
Veturë: 15 mijë euro
Para të gatshme: Nuk ka
Detyrime: 10 mijë euro
Të hyrat vjetore: 21 mijë euro

Arben Vitia, ministër i Shëndetësisë
Pasuri: 400 mijë euro nga trashëgimia familjare
Veturë: 12 mijë euro dhe 15 mijë euro në emër të bashkëshortes
Para të gatshme: 1,300 euro dhe 100 euro në emër të bashkëshortes
Detyrime: 22,500 euro në emër të bashkëshortes
Të hyrat vjetore: 8,000 euro

Albulena Haxhiu, ministre e Drejtësisë
Pasuri: 75 mijë euro në emër të bashkëshortit
Veturë: 5 mijë euro në emër të bashkëshortit
Para të gatshme: 500 euro në emër të bashkëshortit
Detyrime: 24 mijë euro
Të hyrat vjetore: 7,500 euro

Xhelal Sfeçla, ministër i Punëve të Brendshme dhe Administratës Publike
Pasuri: 1.95 milion euro nga pasuria e përbashkët familjare
Veturë: 4 mijë euro
Para të gatshme: 3,500 euro
Aksione: 6 mijë euro
Detyrime: 54 mijë euro
Të hyrat vjetore: 1,200 euro

Armend Mehaj, ministër i Mbrojtjes
Mungon raportimi në AKK

Hekuran Murati, ministër i Financave, Punës dhe Transfereve
Pasuri: 61 mijë euro
Veturë: 3,100 euro
Para të gatshme: 11 mijë euro
Letra me vlerë: 23,400 euro
Detyrime: 35 mijë euro
Të hyrat vjetore: 15,600 euro

Artane Rizvanolli, ministre e Ekonomisë
Mungon raportimi në AKK

Rozeta Hajdari, ministre e Tregtisë, Ndërmarrësisë dhe Tregtisë
Pasuri: 50 mijë euro nga pasuria e përbashkët familjare
Veturë: 3 mijë euro
Para të gatshme: 3,300 euro
Detyrime: Nuk ka
Të hyrat vjetore: 4,800 euro

Liburn Aliu, ministër i Mjedisit, Planifikimit Hapësinor dhe Infrastrukturës
Pasuri: 15 mijë euro dhe 85 mijë euro në emër të bashkëshortes
Veturë: 8,500 euro
Para të gatshme: 1,800 euro dhe 18,700 euro në emër të bashkëshortes
Detyrime: 5 mijë euro dhe 6 mijë euro në emër të bashkëshortes
Të hyrat vjetore: 22 mijë euro

Faton Peci, ministër i Bujqësisë, Pylltarisë dhe Zhvillimit Rural
Pasuri: 380 mijë euro nga pasuria e përbashkët familjare
Veturë: 11 mijë euro
Para të gatshme: 850 euro dhe 540 euro në emër të bashkëshortes
Detyrime: 33 mijë euro dhe 13 mijë euro në emër të bashkëshortes
Të hyrat vjetore: 1,500 euro

Arbërie Nagavci, ministre e Arsimit, Shkencës, Teknologjisë dhe Inovacionit
Pasuri: 70 mijë euro nga pasuria e përbashkët familjare
Veturë: 18 mijë euro
Para të gatshme: 1,100 euro e përbashkët
Detyrime: 62 mijë euro
Të hyrat vjetore: 28 mijë euro

Hajrullah Çeku, ministër i Kulturës, Rinisë dhe Sportit
Pasuri: 190 mijë euro në emër të bashkëshortes
Veturë: 12 mijë euro
Para të gatshme: 1.39 euro dhe 1,168 euro në emër të bashkëshortes
Aksione: 1 mijë euro
Detyrime: 80 mijë euro në emër të bashkëshortes
Të hyrat vjetore: 1,500 euro

Elbert Krasniqi, ministër i Administrimit dhe Pushtetit Lokal
Pasuri: 225 mijë euro nga pasuria e përbashkët familjare
Veturë: 15 mijë euro
Para të gatshme: 3,500 euro
Detyrime: 670 euro
Të hyrat vjetore: 1,500 euro

Fikrim Damka, ministër i Zhvillimit Rajonal
Pasuri: 110 mijë euro dhe 35 mijë euro në emër të bashkëshortes
Veturë: 5 mijë euro
Para të gatshme: 39 mijë euro
Detyrime: 30 mijë euro
Të hyrat vjetore: 27 mijë euro

Goran Rakiq, ministër për Komunitete dhe Kthim
Pasuri: 445 mijë euro nga pasuria e përbashkët familjare
Veturë: 10 mijë euro
Para të gatshme: 50 mijë euro
Detyrime: Nuk ka
Të hyrat vjetore: 13 mijë euro /Telegrafi/