Miley Cyrus tregon se cila është gjëja e parë që do bëjë pas vetizolimit

Këngëtarja amerikane, Miley Cyrus, mezi po pret që të bashkohet sërish me familjen e saj pasi kjo gjë të jetë e sigurt për të gjithë.

Ylli i muzikës pop dhe aktorja 27-vjeçare në një intervistë për WSJ zbuloi se ka ndjerë efektet e pandemisë gjatë vetizolimit, që do të thotë se ajo, si shumë të tjerë, përmes teknologjisë ka shprehur gjërat dhe dëshirat e saj.

“Gjëja e parë që dua të bëj është të përqafoj nënën dhe babain kur çdo gjë të jetë e sigurt”, ka thënë ajo.

Cyrus, shtëpia e të cilës u dogj në zjarrin Woolsey të vitit 2018, tha që ajo po qëndron në Calabasas, Kaliforni.

Dhe shtoi se kjo është periudha më e gjatë që nuk e ka parë familjen dhe veçanërisht ndjen mall për gjyshen e saj.

“Gjyshja ime është akoma me ne. Unë jam aq me fat, dhe ne duam ta mbajmë atë në mënyrë, kështu që ne nuk kemi qenë në gjendje ta shohim atë”, u shpreh Cyrus.

“Gjyshja është fansja ime më e madhe, ajo është tejet e moshuar dhe për këtë ne nuk kemi qenë në gjendje të vizitojmë për shkak të pandemisë. Është koha më e gjatë që unë nuk e kam parë nënën apo gjyshen time”, vazhdoi Miley.

Krijuesja e hitit “Wreckin Ball” tha se gjatë tërë kohës ka qenë në kontakt me familjen e saj, posaqërisht nënën e cila njëherësh është edhe menaxherja e saj. /Telegrafi/