LAJMI I FUNDIT:

Këtë të premte hapet Festivali i Turizmit “Peja Outdoor Tourism Festival”

Këtë të premte hapet Festivali i Turizmit “Peja Outdoor Tourism Festival”

Këtë të premte, më datë 24 Maj hapet zyrtarisht Festivali i Turizmit “Peja Outdoor Tourism Festival”.

Festivali do të hapet me një konferencë ku do të ketë disa panele diskutimi përfshirë edhe panelin për turizëm dhe atë për mjedis.

Të premten, në ora 21:00 në sheshin e qytetit të Pejës do të shoqëroheni me muzikën e Jerichos.

Peja është një destinacion i kërkuar për entuziastët e aventurave që kërkojnë një përvojë unike dhe autentike. I organizuar për herë të parë në Kosovë, përgjatë tri ditëve 24, 25 dhe 26 Maj, ky festival vjen si një ngjarje e madhe që ofron një platformë për të përjetuar bukuritë dhe traditat kulturore të Pejës dhe sjell së bashku veprimtaritë rekreative në natyrë.

Disa prej aktivitetve FALAS që vizitorët do të kenë mundësinë të bëhen pjesë e tyre janë: ecje në natyrë, çiklizëm, ngjitje në shkëmbinj, paragliding, speleologji dhe shumë të tjera, duke përfshirë edhe udhëtimet në shtigjet kulturore të Pejës.

Aktivitetet e përfshira në ditën e shtunë më 25 Maj do të jenë: ecje rekreative në shtegun “Ballkoni i Pejës”, ecje rekreative “Shtegu i mushkave” dhe lëshim në Zip-line, vizitë Shtegut Kulturor në qytetin e Pejës, Via Ferrata, ngjitje në shkëmbinjë (program edukativ dhe kënaqësi), peshkim (program edukativ dhe kënaqësi) dhe speleologji “Shpella Bukuroshja e Fjetur”.

Në natën e dytë të Festivalit, organizohet një event unik, nën tingujt e Offchestra në ora 20:00 në sheshin e Qytetit në Pejë.

Për të gjithë këto aktivitete ju mund të regjistroheni këtu.

Ndërkaq dita e diele më 26 Maj është e pasuruar me këto aktivitete: ecje bjeshkatare “Maja Guri i Kuq 2522m”, ecje bjeshkatare “Maja e Vjellakut”, vrapim (Trail-running), ecje rekreative “Shtegu i Peklenes”, çiklizëm dhe degustim i ushqimeve tradicionale, vizitë Shtegut Kulturor në qytetin e Pejës, Zip line, kajak (program edukativ dhe knaqësi), ngjitje në shkëmbinjë (program edukativ dhe kënaqësi), speleologji “Shpella Bukuroshja e Fjetur” dhe Via Ferrata.

Për të gjithë këto aktivitete ju mund të regjistroheni këtu.

Përveç aventurës dhe trashëgimisë, festivali ofron gjithashtu programe kulturore të pasura që adresojnë çështje të rëndësishme si zhvillimin e infrastrukturës së turizmit aventuresk dhe sfidat në menaxhimin e turizmit të qëndrueshëm.

Disa nga emra të njohur publik që do të jenë pjesëmarrës në festival janë: Majlinda Kelmendi, Nora Gjakova, Distria Krasniqi si dhe Mrika Nikqi.

Të ri e të vjetër, të gjithë ata që adhurojnë aventurën dhe adrenalinën e që dëshirojnë të përjetojnë këto eksperienca të veçanta, ju ftojmë të merrni pjesë në Festivalin e Turizmit “Peja Outoor Tourism Festival”.

Mos mungoni!

Në trend Ekonomi

Më shumë
Creative Hub prezenton metodën 4 orë punë të premteve

Creative Hub prezenton metodën 4 orë punë të premteve

Creative Hub Kosovo
Qumështorja Vita - Dashuria dhe puna e palodhshme e më shumë se 1500 fermerëve!

Qumështorja Vita - Dashuria dhe puna e palodhshme e më shumë se 1500 fermerëve!

Qumështorja Vita
Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Dukagjini Resort – Ky është projekti përrallor 80 milionësh që do ta transformojë këtë pjesë të Shëngjinit

Ekonomi
Lajm i mirë për shqiptarët e Zvicrës

Lajm i mirë për shqiptarët e Zvicrës

Prishtina Ticket
Njoftim për shqiptarët e Gjermanisë dhe Zvicrës të cilët duan të udhëtojnë drejt Kosovës

Njoftim për shqiptarët e Gjermanisë dhe Zvicrës të cilët duan të udhëtojnë drejt Kosovës

AlbaSky
Siguria në udhëtim, PrishtinaTicket është anëtare e Swiss Travel Security

Siguria në udhëtim, PrishtinaTicket është anëtare e Swiss Travel Security

Prishtina Ticket
Kalo në kategori