Klopp: Grup i vështirë, por askush nuk e kërkoi Liverpoolin si kundërshtar

Trajneri i Liverpoolit, Jurgen Klopp, ka thënë se Grupi C është një grup shumë i vështirë.

Por, tekniku gjerman beson se e arritura sezonin e kaluar është dëshmi për klubet tjera se Liverpooli është skuadër e vështirë për t’u përballur.

“Është si është, nuk ka problem. Liga e Kampionëve është gara më e madhe për klube në botë. Ne nuk mund të presim grup të lehtë”.

“Kur ke një grup me PSG dhe Napolin, absolutisht dy ekipe të mrekullueshme, atëherë nuk dëshiron ta kesh Liverpoolin si ekip të tretë”.

Jürgen Klopp is confident the Reds will be a ‘big challenge’ for any team in Europe. 💪#UCLdraw reaction with the boss… https://t.co/tKOW8gZANT

— Liverpool FC (@LFC) August 30, 2018

“Nëse mendon për grupin, atëherë je i eliminuar. Nëse mendon se është vështirë, je i eliminuar. Ne nuk mendojmë asnjë prej tyre. Ne luajmë ndeshjet dhe do të jemi konkurrues”.

“Sezoni i kaluar është sezon i kaluar dhe ne duam kualifikimin tutje. Do të jetë vështirë, por duam të shkojmë tutje. Le të fillojmë punën për këtë”, deklaroi Jurgen Klopp. /Telegrafi/