Don Xhoni njofton largimin nga labeli “Gjoni Black”

Reperi i njohur, Don Xhoni ka njoftuar largimin nga labeli i tij prej gati dy vitesh “Gjoni Black Ent”.

Këtë e ka bërë të ditur vet reperi përmes një positmi në llogarinë e tij në Instagram, teksa tha se vendimi ishte i dyanshëm.

“Të nderuar dashamirë desha t’ju informojë që me marrëveshje të dyanshme më nuk jam pjesë e labelit Gjoni Black Ent, i falënderoj nga zemra djemtë për punën edhe kontributin e dhënë përgjatë këtij rrugëtimi që kemi pas. Sigurisht që pa ta nuk do isha këtu ku jam, prandaj uroj që sukseset për ta mos të ndalen kurrë, ndërsa miqësia jonë do të jetë e përjetshme”, ka shkruar Don Xhoni.

Ndërkohë, në disa postime të tjera reperi nga Drenica ka paralajmëruar se është në përgatitje të një projekti të ri muzikor e që do të jetë bashkëpunim.

Lexo po ashtu Don Xhoni prezanton makinën luksoze BMW: Helm mbi tokë

“Shihemi shpejt me bombën e ardhshme, Don Xhoni ft”, ka shkruar reperi në postimet e tjera në InstaStory.

Kujtojmë që gjatë verës që po lëmë pas reperi ka qenë mjaft i angazhuar me koncerte dhe mbrëmje muzikore si në Kosovë po ashtu edhe në vende të tjera kryesisht në Shqipëri.

Ndërsa, ai po vazhdon të shijoi suksesin e këngës së fundit “Katile” teksa një vëmendje të projektit mori edhe paraqitja e Mwgi Pojanit e cila u shfaq përkrah reperi si protagoniste në klip. /Telegrafi/