Presidenti i vendit, Hashim Thaçi, pas dorëheqjes së Ramush Haradinajt nga posti i kryeministrit, duke filluar nga java e ardhshme do t’i fillojë konsultimet me partitë politike/koalicionet për ndërmarrjen e hapave të mëtejmë që çojnë në tejkalimin e situatës së krijuar nga dorëheqja e kryeministrit.
Sipas njoftimit për media, Presidenti i vendit, do t’i ndërmarrë të gjitha veprimet e nevojshme në pajtim me kompetencat e përcaktuara në Kushtetutën e Republikës së Kosovës.
Ndonëse ende ftesat nuk u janë dorëzuar partive politike për konsultimet me Presidentin Thaçi, ato janë deklaruar nëse do të marrin pjesë në këto takime.
Disa nga partitë në koalicion vlerësojnë se duhet të marrin pjesë në takimin me Presidentin Thaçi, për të diskutuar për tejkalimin e situatës politike të krijuar në Kosovë.
Memli Krasniqi nga Partia Demokratike e Kosovës, në një deklaratë dhënë Telegrafit ka thënë se në momentin që ftohen nga Thaçi, do të marrin pjesë.
“Ende nuk e kemi pranuar ftesën nga presidenti Thaçi për konsultimet që parashihen sipas nenit 95 të Kushtetutës së Kosovës dhe në momentin që do të ftohemi, do të marrim pjesë”, ka thënë ai.
Aleanca për Ardhmërinë e Kosovës (AAK), thekson se pjesë e konsultave do të jenë vetëm për shpalljen e zgjedhjeve.
Muharrem Nitaj nga AAK, në një deklaratë dhënë Telegrafit ka thënë se të gjitha partitë politikë po thonë se janë të gatshme për zgjedhje.
“Ne mund të jemi pjesë e konsultave për shpalljen e zgjedhjeve brenda afatit ligjor, dhe jo diçka tjetër. Situata është e qartë. Të gjitha partitë politike po thonë se janë për zgjedhje të menjëhershme, dhe prandaj nuk ka se për çka tjetër të bisedohet, përpos për datën e shpalljes së zgjedhjeve të reja”, ka thënë ai.
Anëtari i kryesisë së Nisma-s Socialdemokrate, Fazli Hoxha, ka thënë për Telegrafin se kjo parti do t’i përgjigjet ftesës së presidentit të Republikës për konsulta me partitë politike.
Sipas tij Nisma Socialdemokrate asnjëherë nuk i ikën përgjegjësisë së saj si parti parlamentare në raport me zhvillimet që e presin vendin.
“Dorëheqja e kryeministrit na ka sjell në një situatë që zgjedhjet e reja janë të pashmangshme, që sovrani të vendosë për përbërjen e re të Kuvendit të Republikës së Kosovës, i cili më pas do ta zgjedhë qeverinë e re. Nisma Socialdemokrate asnjëherë nuk i ikën përgjegjësisë së saj si parti parlamentare në raport me zhvillimet që e presin vendin. Edhe në këtë rast, Nisma Socialdemokrate do t’i përgjigjet ftesës së presidentit të Republikës për konsulta me partitë politike, që sa më parë të arrihet një pajtim mes forcave politike për caktimin e datës së zgjedhjeve të reja parlamentare”, ka thënë ai.
Vesel Makolli nga AKR në një përgjigje për Telegrafin thekson se do të marrin pjesë në takim pasi që sipas tij qëndrimet e tyre do të shërbejnë për të dalë nga situata e krijuar.
“Po do të marim pjesë në takimin me Presidentin. Duke mar parasyshë situatën aktuale, është obligim i të gjithë neve që t’i përgjigjemi ftesës së Presidentit, t’i paraqesim qëndrimet tona, të cilat do të shërbejnë për të dal nga kjo situatë. Kur ështët interesi i vendit në pyetje, duhet të jemi të gjithë unik dhe të përgjegjshëm, duke dhënë kontribut për të arritur te zgjidhja më e mirë për vendin”, ka thënë ai.
Në anën tjetër partitë opozitare vlerësojnë se do t’i përgjigjen ftesës së Presidentit nëse flitet për zgjedhjet.
Shefi i grupit parlamentar të Lidhjes Demokratike të Kosovës, Avdullah Hoti, në një përgjigje për Telegrafin ka thënë se do t’i përgjigjen ftesës për të caktuar datën e zgjedhjeve.
“Presidenti duhet të veprojë në përputhje me Kushtetutën. Duhet të ftohen partitë politike për konsultime për të caktuar datën e zgjedhjeve. Ne do t’i përgjigjemi një ftese që bëhet në përputhje me kompetencat kushtetuese që ka Presidenti”, është shprehur ai.
Kurse Albulena Haxhiu nga Lëvizja Vetëvendosje në një deklaratë dhënë Telegrafit ka thënë se në takim do të marrin pjesë vetëm për të caktuar datën e zgjedhjeve dhe jo për Qeveri teknike.
“Ne kërkojmë zgjedhje të jashtëzakonshme sa më parë. Nuk marrim pjesë në takime për ndonjë mandatar apo ndonjë qeveri teknike. I vetmi takim që marrim pjesë është takimi për caktimin e datës së zgjedhjeve”, ka theksuar ajo.
Ndërsa zëdhënësja e PSD-së, Natyra Kuçi, në një deklaratë dhënë Telegrafit, ka thënë se pasi të pranohet ftesa do të shqyrtohet nga organet.
“PSD nuk ka pranuar ftesë, rrjedhimisht s’mund të flasim pa i pasur informacionet e sakta mbi qëllimin dhe arsyet e thirrjes se takimit. Kur të kemi ftesen mbetet të shqyrtohet në organet e PSD-së”, ka thënë ajo.
Kurse Partia Euroatlantike e Kosovës e sapo formuar, do të jetë pjesë e diskutimeve me Presidentin.
Kështu ka konfirmuar për Telegrafin, Mialim Zeka, nga kjo parti, i cili ka thënë se do të marrë pjesë në çdo takim që zgjidhë ngërçin politikë, siç e ka quajtur ai.
“Do të marr pjesë pa asnjë problem në konsultimet me Presidentin. Me sa unë kuptoj politikë, unë marrë pjesë në çdo takim që zgjidhë kët ngërç politik, të cilin e ka shkaktuar pa asnjë arsye kryeministri i vendit”, ka thënë Zeka.
Kujtojmë se Ramush Haradinaj ditë më parë ka dhënë dorëheqje nga pozita e tij si kryeministër i vendit.
Haradinaj ka bërë të ditur se këtë vendim e ka marrë pasi atij i ka ardhur ftesa nga Gjykata Speciale. Ai para mediave ka thënë se dorëheqje ka dhënë për ta ruajtur nderin e Kosovës, dhe për t’u paraqitur në Gjykatën Speciale si qytetar i thjeshtë./Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit