Të gjithë po pyesin për ritualin e Bellingham para çdo ndeshjeje – anglezi shpjegon përse e bën

Jude Bellingham ka qenë një zbulim për Real Madridin që nga transferimi i tij nga Borussia Dortmund.

Mesfushori anglez ka dhënë një kontribut vendimtar në një numër ndeshjesh të mëdha për klubin e tij të ri dhe ende mund të përfundojë sezonin e tij të parë në La Liga si kampion spanjoll dhe evropian.

Los Blancos morën një barazim 2-2 me Bayern Munich në ndeshjen e parë të gjysmëfinale të martën mbrëma dhe mirëpresin gjigantët gjermanë në Bernabeu për ndeshjen kthyese të mërkurën e ardhshme.

Lexo po ashtu Zbulohen fjalët që Bellingham ia tha Kanes kur po bëhej gati ta gjuante penalltinë

Përpara ndeshjes në Mynih, Bellingham bëri diçka që ka bërë gjatë gjithë karrierës së tij. Ndërsa shumë futbollistëve u bashkohen bashkëlojtarët e tyre teksa ecin në fushë për të kontrolluar fushën disa orë para fillimit, Bellingham e ka bërë gjithmonë këtë vetë.

Bellingham shpjegoi më herët gjatë sezonit se bërja e ecjes solo e ndihmon atë të ruajë fokusin e tij. Ai tha, për Daily Mail: “Më pëlqen të inspektoj fushën dhe ta vizualizoj lojën. Shiko fushën, barin, pozicionet e mia të lojës… Në këtë mënyrë ndihem më i qetë, e di se ku do të jem në fushë”.

Lexo po ashtu Daniel Sturridge bëhet viral me parashikimet e frikshme të sakta për ndeshjen Bayern Munich-Real Madrid

“Është diçka që e kam bërë gjatë gjithë karrierës sime dhe falë saj hyj pa nerva në ndeshje dhe i përgatitur për gjithçka. Këtë më kanë mësuar që në moshë të vogël dhe vazhdoj ta praktikoj”. /Telegrafi/