Netflix pranë një emisioni frymëzues me Barack Obamën

Netflix ndoshta është në prag të arritjes së marrëveshjes së shekullit pasi ka nisur bisedimet me ish-presidentin amerikan, Barack Obamën për një emision me një buxhet tejet të madh.

Sipas të përditshmes amerikane “New York Times”, negociatat e Obamës me Netflix janë në fazën e fundit dhe ish-udhëheqësi i SHBA-ve, ka ndërmend të prodhojë emisione ekskluzive për këtë rrjet.

https://www.instagram.com/p/BeEI3RjBNGl/?taken-by=barackobama

Formati i emisionit dhe numri i episodeve ende nuk dihen ndërsa qarkullojnë thashetheme se 56-vjeçari dhe bashkëshortja, Michelle, duhet të rrëfejnë histori frymëzuese.

Një format i tillë me siguri do të frymëzojë një numër të madh njerëzish, por edhe do t’i sjell edhe më shumë popullaritet ish-çiftit të parë të Shteteve të Bashkuara.

“The New York Times” shkruan se marrëveshja e Obamës me Netflix nuk do të jetë një kundërpërgjigje e drejtpërdrejtë ndaj bashkëpunimit të presidentit aktual amerikan, Donald Trump me “Fox News” apo portalin Breitbart.com.

https://www.instagram.com/p/BZ3yWnjBX5O/?taken-by=barackobama

“Presidenti Obama dhe Michelle gjithmonë kanë besuar se tregimet ekskluzive kanë një fuqi të madhe për frymëzimin e njerëzve”, tha ish këshilltari i Obamës, Eric Schultz.

Obama ka 101 milionë ndjekës në llogarinë personale të Twitterit, 17.1 milionë ndjekës në Instagram dhe 55 milionë njerëz e ndjekin në Facebook.

Kritikët e televizionit parashikojnë se Obama dhe Michelle mund të drejtojnë energjinë e tyre për tregimet rreth shëndetit, të drejtës për të votuar, imigracionit, strehimit të të huajve dhe ndryshimeve klimatike. /Telegrafi/

https://www.instagram.com/p/BI5pWEHhqxx/?taken-by=barackobama