Samir Ujkani: Nuk do të jetë befasi fitorja ndaj kundërshtarëve të radhës (Video)

Përfaqësuesja jonë ka zhvilluar sot stërvitjen e fundit në Kosovës para nisjes për në Shkodër.

Kosova do të takohet të premten para shikuesve të vetë me kombëtaren e Ukrainës në kuadër të ndeshjes së parafundit në kuadër të kualifikimeve të botërorit “Rusia 2018”.

Lexo po ashtu Bunjaku flet për Telegrafin: Tregon gjendjen e fundit të përfaqësueses (Video)

Para takimit të së premtes, në një prononcim për Telegrafin ka folur portieri, Samir Ujkani i cili është optimist që në dy ndeshjet e mbetura, të fitojmë tre pikët e para.

“Janë dy ndeshje të fundit për këtë edicion, ku do të luajmë kundër dy ekipet shumë të mëdha, të cilat janë në garë për kualifikime. Por, qëllimi dhe motivi jonë është pasi që dëshirojmë të arrijmë te fitorja e parë dhe të arrijmë suksesin e parë për popullin tonë sa më shpejt dhe shpresojmë se në këto dy ndeshje të fitojmë tre pikë”, tha fillimisht kapiteni i përfaqësueses.

Ai më tutje deklaroi se nuk do të jetë befasi fitorja ndaj kundërshtarëve të radhës pasi që përfaqësuesja ka pjekuri në lojën e vetë dhe vetëm rezultatet ju mungojnë.

“Nuk është puna tek befasia. Kjo mund të thuhet kur ishim më të ri, kur i njihnim kundërshtarët tani është e kundërta. Jemi duke u rritur duke u bërë një ekip i vërtetë. Kemi pasur rezultate negative, por të cilat kanë qenë me 1-0, megjithëse kemi pasur raste edhe për fitore. Kjo do të thotë se po bëhemi një ekip kompakt dhe kjo është rruga jonë. Populli, ne dhe trajneri kemi nevojë për fitore”, tha futbollisti i skuadrës italiane të Cremoneses.

Lexo po ashtu Vedat Muriqi: Mezi pres të realizoj gol për Kosovën (Video)

Ndryshe, Ujkani deri më tani ka pasur 13 paraqitje për Kosovën ndërsa ka mbrojtur edhe ngjyrat e kombëtares shqiptare në njëzet raste.

Vlen të theksohet se takimin e fundit të këtij cikli të kualifikueseve, Kosova do ta zhvillojë të hënën kundër Islandës. /Telegrafi/