Live Finalja e Big Brother VIP Albania 3
Përfundon edicioni i tretë i Big Brother VIP Albania me Eglën fituese – gjithçka që ndodhi në natën finale
Përditesuar 25/05/2024 20:45
Sonte (e shtunë) mbahet finalja e spektaklit shumë të shikuar Big Brother VIP Albania 3.
Aventura mbi 100 ditore përmbyllet sonte me një emër fitues – ai i cili do të sigurojë më së shumti vota nga publiku.
Plot pesë janë finalistët e këtij edicioni: Egla Ceno, Heidi Baci, Meriton Mjekiqi, Romeo Veshaj e Julian Deda.
Njëri prej tyre do të jetë fituesi i çmimit të madh prej 100 mijë eurosh.
Telegrafi do t’ju mbaj të informuar në kohë reale për më të rejat e fundit nga finalja e spektaklit televiziv më të ndjekur në Shqipëri.
Egla Ceno fiton Big Brother VIP Albania 3
Aktorja e njohur shqiptare, Egla Ceno, është shpallur fituesja e edicionit të tretë të Big Brother VIP Albania.
Ajo hyri në shtëpinë më të famshme në Shqipëri që në datën 13 janar, duke qëndruar për plot 133 ditë e izoluar.
Aktorja nga Elbasan itregoi një karakter të fortë dhe ishte pa diskutim një ndër fenomenet e këtij edicioni.
Egla njëherësh është gruaja e parë në histori që fiton një format Big Brother VIP në trojet shqiptare.
Në vendin e dytë u rendit aktori i njohru shkodran, Julian Deda.
Elimonohet edhe Romeo – tani fitorja mes Eglës dhe Julit
I radhës që është eliminuar nga gara ka qenë aktori Romeo Veshaj – pa dyshim një prej konkurrentëve më të fortë të këtij edicioni.
Përpara vazhdoi aktorja Egla Ceno, e cila është në një televotim ballë për ballë me Julin, dhe tani fituesi do të jetë njëri prej tyre.
Lexo më shumë këtu.
Egla Ceno në Teatrin e Elbasanit për finalen e madhe
Ashtu si për çdo konkurrent tjetër, edhe për aktoren Egla Ceno ishte rezervuar një surprizë e madhe në finalen e Big Brother VIP Albania.
Ajo u dërgua në Teatrin “Skampa” në Elbasan, atje ku ka jetuar në fëmijëri, por më pas edhe është rritur dhe zhvilluar artistikisht.
Për fund, në skenën e këtij teatrit u ngjit nëna e saj, Zonja Esma, e cila nuk i kurseu fjalët e saj të krenarisë për të bijën.
Romeo befasohet nga disa mysafirë në finale
Pretendenti për çmimin e madh, Romeo Veshaj, është befasuar nga një dhomë me plot dyer në finalen e Big Brother VIP Albania.
Në njërën dhomë u gjend kolegu i tij, aktori Gaz Paja, i cili kishte zgjatur dorën në fillimet e tij për ta ndihmuar, ndërsa Agron Llakaj nuk mundi të ishte i pranishëm, shkaku që ka humbur bashkëshorten.
Dera e tretë ishte ajo e kunatës së tij, Bora Zemanit, e cila e ka befasuar me paraqitjen e saj dhe i ka thënë se ai meriton çdo gjë.
Ndërsa për një surprizë të veçantë ishte e ftuar edhe bashkëpunëtorja e tij, këngëtarja e njohur shqiptare, Elvana Gjata.
Dhe i fundit nga të gjithë mysafirët që e vizituan, ishte vëllai i tij, Donald Veshaj, i cili ka qenë fisnalist në edicionin e parë të Big Brother VIP Albania.
Ledri ‘ndez’ skenën e finales së Big Brother VIP Albania
Reperi i njohur shqiptar, Ledri Vula, është ngjitur në skenën e spektaklit më të shikuar televiziv, për të performuar para publikut në finale.
Ai interpretoi një potpuri hitesh të tij më të fundit, duke ‘e ndezur’ atmosferën në finalen e madhe.
Heidi eliminohet, Juli vazhdon përpara
Bukuroshja Heidi Baci ka qenë e eliminuara e radhës në finalen e madhe, pas një televotimi kokë më kokë me aktorin Julian Deda, i cili tani po vazhdon garën për çmimin e madh.
Lexo lajmin e plotë këtu.
Skeç humoristik, aktorët shkodranë interpretojnë bashkë me Julin në “Portokalli”
Disa prej emrave më të njohur të aktrimit, kanë interpretuar në skenën e “Portokalli” krah finalistit të BBVA 3, aktorit Julian Deda.
Julian Deda bafesohet me atmosferë shkodrane në finalen e BBVA 3
Aktori Julian Deda si një nga finalistët e mbrëmjes, është befasuar gjithashtu nga një surprizë prej Vëllait të Madh.
Ai është dërguar në skenën e madhe të spektaklit të humorit “Portokalli”, ku edhe nisi karrierën e tij në aktrim.
Deda është mirëpritur nga dy këngëtarët e njohru shkodranë, Bujar Qamili e Mateus Frroku, si dhe plot anëtarë të familjes së tij të madhe nga Shkodra.
Juli është aktualisht në garë me Heidin, ku njëri prej tyre do të vazhdojë garën për çmimin e madh dhe tjetri do të eliminohet.
Meritoni në vend të pestë – reagim e komente të shumta negative në rrjetet sociale
Në rrjetet sociale, kanë filluar tashmë reagime të ndryshme mbi largimin e Meritonit nga pesëshja finaliste.
Shumë fansa të prezantuesit nuk e kanë pranuar faktin që ai rezultoi më pak i votuari në finalen e madhe të BBVA 3.
Lexo më shumë këtu.
Heidi befasohet me vizitë nga babai – kësaj radhe pa kritikat e ‘Grande Fratello’
Bukuroshja Heidi Bazi e cila ka qenë banore në ‘Grande Fratello’ dhe dha dorëheqje nga spektakli italian pas vizitës së babait në shtëpi, është befasuar sërish me vizitë nga ky i fundit në shtëpinë e vëzhguar nga kamerat.
Babai Genti erdhi në finalen e Big Brother VIP Albania, për të vizituar vajzën e tij tashmë finaliste në programin më të ndjekur në shtëpi.
Hapet televotimi mes Julit dhe Heidit – njëri prej tyre shkon përpara
Është hapur televotimi i çiftit të parë, Heidi dhe Juli – ku njëri prej tyre do të vazhdojë tutje garën dhe më pak i votuari do të eliminohet.
Pasi ky televotim të përfundojë, do të hapet televotimi i Romeos me Eglën, ku fituesi i këtij dueli shkon në televotimin përfundimtar.
Për herë të parë hidhet short në BBVA, dy çifte kundër njëri-tjetrit
Sonte (e shtunë) në finalen e BBVA 3 është praktikuar një metodë e re që nuk ka ndodhur kurrë më parë në këtë format.
Në studion e programit është hedhur një short, përmes së cilit janë zgjedhur dy çifte nga katër finalistët e mbetura.
Fituesi nga votimi i çiftit të parë dhe fituesi nga votimi i çiftit të dytë, do të ndeshen në një garë të ngushtë për çmimin e parë.
Meritoni eliminohet si më pak i votuari nga finalistët
Prezantuesi Meriton Mjekiqi, njëherësh i vetmi banor finalist nga Kosova në këtë spektakël, është eliminuar i pari nga pesëshja finaliste.
Ai mori më pak vota nga të gjithë finalistët e tjerë, gjersa tani gara vazhdon për katër banorët e mbetur: Heidin, Eglën, Romeon dhe Julin.
Publikohet përmbledhja e 133 ditëve të Big Brother VIP Albania 3
Në nisje të natës finale, është prezantuar një klip i cili ka përmbledhur momentet më gazmore dhe interesante të të gjithë këtij edicioni të Big Brother VIP Albania.
Me lojëra, debat, kërcim, përqafime dhe shumë të qeshura – Big Brother VIP 3 ka qenë një eksperiencë e paharrueshme për të gjithë banorët.
Sondazhi i Telegrafit nxjerr Meritonin fitues
Në filim të javës, ashtu si në çdo edicion tjetër, portali Telegrafi ka hapur një sondazh online për të pyetur lexuesit se kush mendojnë se duhet ta fitojë edicionin e tretë të Big Brother VIP Albania.
Sipas përgjigjeve të grumbulluara, Meriton Mjekiqi ka dalë si favoriti i padiskutueshëm, duke marrë një mbështetje të konsiderueshme prej 37% të votave.
Ai është ndjekur ngushtë nga Romeo Veshaj, i cili ka siguruar 31% të votave. Julian Deda ka arritur të grumbullojë 13% të votave të lexuesve, ndërsa Egla Ceno dhe Heidi Baci vijnë pas me përkatësisht 12% dhe 7%.
* Ky sondazh është realizuar nga portali Telegrafi vetëm për të matur preferencat e publikut dhe nuk lidhet me votimin zyrtar të spektaklit Big Brother VIP Albania 3.
Fillon finalja e madhe e BBVA 3 – finalistët shkëlqejnë me dukjen e tyre
Ka nisur edhe zyrtarisht tashmë mbrëmja finale e edicionit të tretë të Big Brother VIP Albania.
Në hapje të spektaklit nga moderatori Ledion Liço, është prezantuar në edhe dukja e pesë finalistëve.
Egla, Juli, Romeo, Heidi dhe Meritoni – duken secili më elegant se tjetri në mbrëmje finale të aventurës së mbi 130 ditëve.
Ish-banorët shkëlqejnë me dukjen e tyre në tapetin e kuq
Banorët e eliminuar nga shtëpia e Big Brother VIP Albania 3, kanë shkëlqyer me paraqitjen e tyre në tapetin e kuq në finalen e këtij edicioni.
Më poshtë mund t’i shihni disa nga dukjet e tyre:
Pesë finalistë në garë për çmimin e madh
Aktorët Egla Ceno, Romeo Veshaj dhe Julian Deda, modelja Heidi Baci dhe prezantuesi Meriton Mjekiqi – janë pesë finalistët e këtij edicioni të Big Brother VIP Albania.
Ata i mbijetuan të gjitha sfidave dhe nominimeve për të prekur ëndrrën e madhe të finales, ndërs sonte (e shtunë) njëri prej tyre do të kurorëzohet si fitues i kësaj aventure.
Kush do të jetë ai/ajo që do të fitojë BBVA 3?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Çfarë dihet për samitin për paqe në Ukrainë? Cilat shtete nuk e nënshkruan dokumentin final dhe çfarë përfshin ai?
Arjeta Puca, sipërmarrësja që prodhoi makinën e parë të blinduar ushtarake në Shqipëri
Shuma marramendëse e parave që skuadra e Anglisë do të marrë nëse fiton në Euro 2024
Lojtarët e Zvicrës festuan fitoren me familjarët e tyre - të afërmit e Granit Xhakës në tribuna, spikat gruaja shqiptare e Renato Steffen
Shqiptarët dhe serbët u përleshën në qendër të Gelsenkirchen
UEFA hap procedurë disiplinore ndaj Shqipërisë pas ndeshjes me Italinë