Dafina Zeqiri i reagon publikisht Taynës pas deklaratave të saj: Mos tento të marrësh vëmendje duke “poshtëruar” dikë që të ka ndihmuar

Këngëtarja Dafina Zeqiri dhe reperja Tayna dikur kishin një miqësi shumë të mirë me njëra-tjetrën.

Në kohën kur Tayna pati depërtimin e saj shpërthyes në skenën vendore, Dafina e cila veç ishte një yll i muzikës, i “kishte zgjatur dorën” për një bashkëpunim të titulluar “Bye bye”, i cili kishte rezultuar shumë i suksesshëm.

Megjithatë pas kësaj, ato kishin prishur raportet me njëra-tjetrën dhe për këtë pjesë reperja nga Prizreni foli përmes rreshtave në disa nga intervistat e saj të fundit në edicionet festive, ku u shpreh se arsyeja e ftohjes së raporteve mes tyre kishin qenë ndërhyrjet nga palët e treta.

Por me këtë deklaratë nuk po pajtohet Dafina, e cila në kanalin e saj zyrtar të fansave në Instagram, ka reaguar duke thënë se ajo ka një arsye të veçantë kur prishet me dikë, dhe se ajo nuk mund të jetë një “keqkuptim” i vogël apo diçka e thënë nga dikush.

“Hmm… E keqja është kur bën një të mirë dikujt dhe pastaj e kthen pas një kohe shumë të shkurtër me të keq. Ti? S’e di pse? Çfarë ka ndodhur? Pse ti? Kur ke bërë gjithçka? Duhet ta mbrosh atë person tek të tjerët që kanë munduar ta poshtërojnë. Nuk ka ndodhur kurrë që unë të ndahem nga dikush për shkak të ndonjë keqkuptimi apo fjalëve të njerëzve përreth, sepse nuk jemi më 10-vjeçarë, por 25-30 vjeçarë. Nëse do të ishte një keqkuptim, do ta kishim sqaruar dhe do të kishim kaluar. Fjalët e njerëzve përreth? Nuk kam njerëz që merren me thashetheme. Askush nuk fiton kur tenton të tërheqë vëmendje duke poshtëruar atë që të ka ndihmuar”, ka shkruar Dafina në Instagram.

Ndërkohë, edhe Tayna nuk qëndroi indiferente duke “goditur” me një status në Threads, ku shkruante: “Të gjithë e dimë kush kë e ka ndihmuar në atë kohë. Ndalo së qenuri deluzioniste. Shko shërohu dhe mos më bëj të shkoj atje”. /Telegrafi/