Gjermania dhe Norvegjia do të zgjerojnë bashkëpunimin në sektorin energjetik. Por, kryeministri norvegjez Jonas Gahr Störe nuk shikon aktualisht mundësi për të transportuar më shumë gaz drejt Gjermanisë dhe Evropës.
Norvegjia e ka rritur prodhimin e gazit pas sulmit rus në Ukrainë gati me 10 për qind, theksoi Störe pas një takimi me kancelarin gjerman Olaf Scholz në Oslo.
“Aktualisht po furnizojmë maksimalisht sa mundemi. Ne nuk mund të vendosim politikisht, se tani do të furnizojmë më shumë”, thotë ai dhe nuk e vendos qeveria nëse prodhimi i gazit mund të zgjerohet.
Ky është vendim i ndërmarrjeve. Për një prodhim më të madh në Norvegji, duhet që të vihen në punë rezerva të tjera të gazit. Me këtë pas Katarit bie shpresa e Gjermanisë se mund të zëvendësojë shumë shpejt gazin rus.
Kancelari Scholz falënderoi Norvegjinë që “po shfrytëzon deri në limit” rezervat e gazit.
“Kjo është shumë e rëndësishme, që të zvogëlojmë varësinë nga gazi rus. Rëndësi ka premtimi i Oslos, që të ruajë nivelin e lartë të prodhimit, sepse edhe në vitin 2023 do të ketë nevoja të mëdha për gaz. Jo vetëm ky dimër është një sfidë e madhe për Gjermaninë. Edhe në vitin e ardhshëm duhet që të mbushen depozitat e gazit. Partneritetin tonë energjetik ne duam ta zgjerojmë dhe thellojmë”, tha Scholz.
Takim i Këshillit Ministerial të Veriut
Scholz mori pjesë në Oslo në takimin e Këshillit Ministerial të Veriut, ku krahas tij dhe Störe morën pjesë kryeministret e Suedisë, Danimarkës, Finlandës dhe Islandës. Temat kryesore ishin furnizimi me energji dhe gjendja e sigurisë.
Si kurrë më parë Norvegjia ofron gaz për Evropën dhe Gjermaninë. Furnizimet nga Norvegjia që nga fillimi i luftës në Ukrainë janë rritur ndjeshëm. Në Gjermani pjesa e gazit norvegjez përbën tani 30 për qind të furnizimit, duke e kaluar kështu Rusinë. Nga Rusia aktualisht përmes ‘Nord Stream I’ vijnë rreth 20 për qind të sasisë së premtuar. Kurse BE-ja importon rreth 20 për qind të gazit nga Norvegjia.
Pas sulmit rus kundër Ukrainës, Ministria e Energjetikës në Oslo modifikoi licencat e nxjerrjes së gazit për fusha të gazit në mënyrë që të përftohej më shumë gaz. Por prodhimi dhe kapacitetet e gazsjellësve janë në përdorim maksimal.
“Për Norvegjinë tani bëhet fjalë që të shfrytëzojë burime të reja për të rritur më tej eksportet”, tha Störe.
Ky vend do ta furnizojë Gjermaninë edhe më tej me gaz të lëngshëm.
“Norvegjisë mund t’i besohet”, tha Scholz.
Vendet nordike dhe Gjermania do të bashkëpunojnë më ngushtë në të ardhmen në fushën energjetike.
“Gjermania i hyri sfidës së madhe të përftojë energji të rigjenerueshme, por largimi nga energjitë fosile nuk do të jetë i lehtë dhe pa turbulenca”, përfundoi Stören.
Scholz viziton më tej Suedinë, ku do të bisedohet për zgjerimin verior të NATO-s. /Deutsche Welle/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Eksploro natyrën me veshjet e stilit taktik të Melodia Px
Trajtimi i punëtorëve teknikë vazhdon të jetë shqetësues
Pasuria e guvernatorit të BQK-së, drejtorit ATK-së dhe drejtorit të Doganës
Evapify - Pasagjeri yt i përhershëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë