Kriza energjetike, PDK tha se janë shtatë-tetë persona që i dinë të gjitha zhvillimet, Prokuroria: Do t’i shqyrtojmë të gjitha pretendimet
Shefi i Grupit Parlamentar të Partisë Demokratike të Kosovës, Abelard Tahiri, në një konferencë për media të mbajtur të martën, derisa ka akuzuar Qeverinë Kurti për “keqpërdorime në sektorin e energjisë”, ka thënë se janë shtatë ose tetë persona në institucionet e Republikës së Kosovës që “i dinë këto zhvillime”.
Lidhur me këtë, nga Prokuroria Themelore në Prishtinë i kanë thënë Telegrafit se Prokurori i Shtetit do t’i analizojë dhe shqyrtojë të gjitha pretendimet e dhëna në këtë konferencë.
“Referuar pyetjeve të parashtruara nga ana juaj, ju njoftojmë se Prokurori i Shtetit do t’i analizojë dhe shqyrtojë të gjitha pretendimet e dhëna në këtë konferencë, për të vendosur tutje lidhur me këtë çështje”, thuhet në përgjigjen e Laureta Ulajt, zëdhënëse e kësaj prokurorie.
Shefi i deputetëve të PDK-së, Abelard Tahiri dhe kryetari i Komisionit për Ekonomi, Industri, Tregti dhe Ndërmarrësi nga kjo parti, Ferat Shala, të martën para mediave kanë prezantuar të dhënat e sasisë së prodhimit të energjisë elektrike, importit dhe eksportit në katër muajt e fundit në Kosovë.
Sipas këtyre të dhënave të prezantuara nga ky subjekt opozitar, gjatë kësaj periudhe Korporata Energjetike e Kosovës kishte mbuluar me anë të prodhimit mbi 90 për qind të kërkesës për konsum dhe kishte bërë edhe eksportim.
Ndaj, nga kjo parti e kanë vlerësuar si urgjente nevojën e themelimit të Komisionit Hetimor parlamentar për çështjen e menaxhimit të krizës energjetike nga Qeveria e Kosovës, nismë kjo të cilën subjekti e ka ndërmarrë mbi një muaj më parë.
Kjo nismë ishte kundërshtuar nga pozita, ndaj dhe nuk kishte arritur të miratohej në seancën e kaluar të Kuvendit të Kosovës. Për këtë arsye, partitë opozitare kanë bojkotuar seancën e Kuvendit dhe mbledhjet e Komisioneve Parlamentare.
Formimi i Komisionit Hetimor Parlamentar i cili do të hetojë menaxhimin e krizës energjetike nga Qeveria e Kosovës, do të jetë temë diskutimi sërish në seancën e sotme plenare të Kuvendit të Kosovës. Në rend dite, deputetët e kësaj legjislature kanë edhe propozimin e 40 deputetëve për caktimin e këtij komisioni. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Vlerat ushqyese të qumështit
Qysh bohet kerri i vogël, kerr i ri!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak