Në Prishtinë organizohet eventi “Fast and Furious Meeting” i Cineplexx dhe “Marakli t’kerreve” – prezantohen veturat më të shtrenjta e më të mira sportive
Ditën e sotme (e enjte) është mbajtur një nga evenimentet madhështore nga Cineplexx në bashkëpunim me “Marakli t’kerreve” për premierën e “Fast and Furious 9”.
“Fast and Furious Meeting” – titullohet ngjarja e organizuar në Albi Mall dhe Galeria Shopping Mall me një sërë aktivitetesh e surprizash.
Të gjithë adhuruesit e makinave nga ora 17:00 deri në 20:00 kishin mundësi që në parking të të dy qendrave tregtare të shihnin ‘Car Show’, e të shërbehen me pije falas nga Birra Peja, go+ e Ujë Rugove.
Në eventin me mbi një mijë njerëz, u panë disa nga veturat më të shtrenjta e më të mira sportive jo vetëm të kosovarëve, por me mysafirë specialë edhe nga Shqipëria e Maqedonia.
Lidhur me këtë, njëri nga anëtarët e ‘Marakli t’kerreve’, Advan Plakolli, në një prononcim për Telegrafin theksoi se ky është bashkëpunimi i dytë i tyre me Cineplexx dhe se mezi është pritur marrë parasysh që është evenimenti i parë pas pandemisë.
“Është bashkëpunimi i dytë që e organizojmë në bashkëpunim me Cineplexx. Arsyeja është promovimi i filmit Fast and Furious tani 9 që ka dalë. Para dy vitesh ka qenë pika e verës dhe ka pasur më shumë prezentë prej diasporës, përndryshe ky është eventi i parë pas pandemisë kështu që mezi kemi pritur që ta bëjmë”, ka thënë Advan Plakolli për Telegrafin.
Koordinatori i Marketingut dhe Komunikimit në kinemanë Cineplexx, Dëfrim Puka, për Telegrafin shtoi se ngjarja u realizua për shkak të premierës së “Fast and Furious 9”.
“Sot kemi ardhur këtu, e kemi një tubim të adhuruesve të veturave për shkak të premierës së Fast and Furious 9, është do të thotë françiza më e famshme gati pothuajse në botë e filmave aksion me vetura. Ne kemi vendosur në bashkëpunim me grupin Marakli t’kerreve që ta bëjmë një ‘meeting’ një car show ku i kemi ftuar prej të gjithë Kosovës adhuruesit e veturave, që të vijnë me veturat e tyre sportive dhe që t’i tregojnë këtu normalisht me çfarë pajisje i kanë, çfarë motorë e të gjitha këto”.
Ai tutje thotë se interesimi sivjet ka qenë shumë i madh dhe se të pranishëm ishin mbi një mijë persona.
“Ka shumë interesim të madh ndoshta mbi një mijë persona deri tash kjo për arsye se është premiera e filmit dhe shumë njerëz një herë po vijnë po i shikojnë veturat jashtë e pastaj po futen në film”, vazhdon Puka.
Ngjarja po ashtu u komentua edhe nga një tjetër anëtar i “Marakli t’kerreve”, që për Telegrafin thotë se edhe këtë vit u mbajt një i tillë duke qenë se janë të apasionuar tejet shumë pas makinave.
“Ne jemi një grup Marakli t’kerrev e kemi formuar që nja katër pesë vjet, më shumë është se jemi të apasionuar pas veturave por edhe pas shoqërisë që shikojmë të i ndihmojmë çdo njeri për çdo gjë që ka na njoftojnë edhe neve. Organizimi është mirë për shkak të pandemisë të gjithë anëtarët e kanë pritur me padurim shkaku që kemi pasur nevojë edhe ne vetë. Këta që janë marakli e kuptojmë se çfarë është të jesh marakli në makina”, ka thënë ai.
Meqenëse prezent ishin një numër i madh i njerëzve, disa nga pjesëmarrësit për Telegrafin thanë se organizimi ishte në nivelin e duhur dhe se janë të lumtur për faktin se shohin disa nga makinat e tyre të preferuara.
“Nuk është hera e parë që po vijmë këtu, në përgjithësi sa herë që i bëjnë organizimet i bëjnë shumë mirë. Jam merakli, si të gjithë rinia shqiptare”, tha një qytetar.
“Kjo është hera e parë që kam marrë pjesë në një ‘meeting’ të maraklive t’kerrave në bashkëpunim me Cineplexxin. Jam merakli shumë sidomos në ‘old timers’, jam pjesë edhe e grupit, i përcjelli te meraklitë çfarë postojnë e të gjitha. Më pëlqejnë markat e vjetra sidomos Mercedesi, Audia që janë ndër markat e preferuara të mia”, thekson një tjetër qytetar për Telegrafin.
Kjo është hera e dytë e një organizimi të këtij lloji mes Cineplexx dhe ‘Merakli t’kerreve’ që njëherësh është shndërruar ndër ngjarjet më madhore e më të preferuara.
Fast and Furious Meeting mes tjerash gjatë eventit Action Night për këtë film dhuroi edhe disa shpërblime si:
Një pushim 7 netë në Turqi nga Fibula
2x pako polir & ceramic coating nga Advance Detailing
3x servise të rregullta nga Euro Delta. /Telegrafi/
Lufta Prigozhin - Putin
Më shumëNga Rubrika
“I ke futur hundët në lidhjen time”, Romeo nuk pranon faljen e Eglës: Më përdore edhe vëllezërit
Bebe Rexha shkëlqen në fotografitë e reja në Instagram, ndërsa vë në pah tiparet e fytyrës së saj
Dafina Zeqiri tregon barkun e sheshtë dhe muskujt e formësuar në imazhet e reja
"Ai ishte shumë perfekt për mua", Kaka reagon pasi ish-gruaja tregoi arsyen e çuditshme që u nda nga ai
Luizi dhe Kiara bëhen prindër për herë të parë, publikojnë fotografi nga spitali
Luiz Ejlli reagon për herë të parë pas lindjes së vajzës: Lumturi më të madhe nuk paska
"Jam duke qarë", Kejvina befason të gjithë me komentin që i bëri Luizit dhe Kiarës
Britney Spears në gjendje të rëndë, paralajmërimi i psikiatrit: Ka nevojë për mjekim të fortë - do të shkatërrojë njerëzit dhe veten, është jashtë kontrollit
"Për ato që lamë dhe ato që presim të vijnë", kujt po i dedikon këtë Ilnisa?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri