Komedinë shqiptare “2 Gisht Mjaltë” sot mund ta shikoni vetëm për 2.80€ në Cineplexx

Sot (e martë), kinemaja austriake në Prishtinë sjell ofertën Comedy Night me filmin “2 Gisht Mjaltë” me çmim special.

Filmi i ri komedi me aktorë kryesor Elvana Gjata dhe Ermal Mamaqi është duke zgjuar një interesim të jashtëzakonshëm në publikun shqipëtar. Andaj sot për Comedy Night filmin mund ta shikoni vetëm për 2,80€ i cilit do të shfaqet në 14 termine duke filluar nga ora 15:00.

Sa i përket ngjarjes së filmit ngjarja zhvillohet rreth një çifti që mundohen ta realizojnë një muaj mjalti në Karaibe por një gabim në blerjen e biletave i bën ata që të enden rrugëve të jugut të Shqipërisë duke përjetuar peripeci nga më të ndryshmet. Filmi është me regji nga Emir Khalilzadeh dhe vetë Ermal Mamaqi.

Lexo po ashtu "2 Gisht Mjaltë" edhe në Prishtinë, Elvana Gjata dhe Ermal Mamaqi: Faleminderit që na mirëpritët

Sa i përket kastës se 2 Gisht Mjaltë do të ketë aktorët tjerë të njohur si: Koço Devole, Marjana Kondi, Bujar Asqeriu, Natasha Sela, Ervin Doko, Ervin Bejleri, Olta Daku, Eglein Laknori, Blerim Destani e të tjerë.

Biletat mund t’i blini prej orës 15:00 në arkat e Cineplexx. Për më shumë rreth orareve të filmit mund t’i gjeni në webfaqen e Cineplexx.