Protesta janë zhvilluar në të gjithë Rusinë të shtunën në përgjigje të vendimit të presidentit rus Vladimir Putin për të mobilizuar rezervat ushtarake.

Sipas medieve të huaja, përcjell Telegrafi, të paktën 300,000 njerëz do të thirren për të luftuar në Ukrainë, me fotografi nga Moska që tregojnë njerëzit duke përshëndetur familjet e tyre.

Njerëzit u mblodhën në disa qytete ruse sot në përgjigje të vendimit – duke përfshirë Novosibirsk dhe Tomsk në Siberi.

Ndërkohë, mijëra duket se po ikin nga Rusia – ndërsa frika rritet për rekrutimin më të gjerë.

Mësohet se pothuajse 100 persona janë arrestuar në protesta deri më tani, duke përfshirë 59 në Novosibirsk dhe 10 në Tomsk.

Reklama

Korrespondentja e Sky News, Diana Magnay, tha se protesta ka pasur edhe në Moskë. Ajo thotë se shumica e të arrestuarve janë gra.

Reklama

Mësohet se demonstrata po zhvillohen gjithashtu në Shën Petersburg, me arrestime të tjera të raportuara në zonë. /Telegrafi/