Tom Hanks ka reaguar publikisht ndaj atyre që nuk mbajnë maska

Aktori i famshëm, Tom Hanks, i ka kritikuar haptas njerëzit që nuk mbajnë maska për ta parandaluar infeksionin me coronavirus.

Autoritetet në Shtetet e Bashkuara të Amerikës kanë këshilluar, por nuk kanë urdhëruar që të mbahen maskat – shkruan BBC.

Mirëpo, vet fakti që ka individë që nuk e vlerësojnë rëndësinë e mbajtjes së tyre, sipas aktorit, është mungesë disipline.

“Nuk e kuptoj. Thjesht nuk e kuptoj. Mbajtja e maskave është gjëja më e vogël që mund ta bëjmë. Nëse nuk jeni në gjendje të mbani maska, t’i lani duar dhe t’i respektoni rregullat e mbajtjes së distancës, thjesht nuk ju respektoj”.

“Ju i zbatoni rregullat e komunikacionit, aktivizoni sinjalizuesit, keni kujdes me shpejtësinë, prandaj nuk e kuptoj pse u duket vështirë që t’i respektoni edhe këto rregulla”, ka deklaruar Hanks.

Ylli hollivudian dhe gruaja e tij, Rita Wilson, ishin infektuar me COVID-19 gjatë muajit mars dhe tashmë e kanë kaluar sëmundjen. /Telegrafi/

View this post on Instagram

Hello folks. @ritawilson and I want to thank everyone here Down Under who are taking such good care of us. We have Covid-19 and are in isolation so we do not spread it to anyone else. There are those for whom it could lead to a very serious illness. We are taking it one-day-at-a-time. There are things we can all do to get through this by following the advice of experts and taking care of ourselves and each other, no? Remember, despite all the current events, there is no crying in baseball. Hanx

A post shared by Tom Hanks (@tomhanks) on Mar 12, 2020 at 7:08pm PDT