Formacioni më i mirë i UEFA për Ligën e Kampionëve ka rrjedhur në media – dominojnë Real Madridi dhe Liverpooli, mungon Mo Salah

Formacioni më e mirë i UEFA-s në Ligën e Kampionëve për sezonin 2021-2022 është zbuluar një ditë më herët – dhe përmban disa befasi të mëdha.

Shorti i Ligës së Kampionëve do të mbahet të enjten, ku zakonisht ky event përdoret edhe për të shpallur ekipin e turneut për sezonin e kaluar.

Por këtë vit, një raport teknik i publikuar nga UEFA të mërkurën ka zbuluar formacionin e plotë.

Finalistët Real Madrid dhe Liverpool kanë të dy nga katër lojtarë në skuadër – edhe pse nënshkrimi i verës së Real Madirdit, Antonio Rudiger që luajti për Chelsean në këtë garë e vitit të kaluar, ka zënë vend po ashtu.

Thibaut Courtois u zgjodh si portier pasi pa dyshim ishte lojtari yll i turneut – ku belgu bëri nëntë pritje në fitoren në finale ndaj Liverpoolit.

Megjithatë, pjesa tjetër e mbrojtjes përbëhet nga The Reds, me Virgil van Dijk të rrethuar nga Andy Robertson dhe Trent Alexander-Arnold.

Nga Liverpooli mungon Mo Salah shënoi vetëm një gol në fazën e eliminimit, duke mos e ndihmuar edhe aq shumë skuadrën.

Vinicius Jr dhe Karim Benzema, janë në sulm, me francezin që e përfundoi garën si golashënuesi më i mirë me 15 gola.

Vinicius kontribuoi me katër gola dhe shtatë asistime dhe gjithashtu shënoi golin fitues të finales.

Luka Modric dhe Fabinho janë dy lojtarët e tjerë që përfaqësojnë Real dhe Liverpool dhe atyre u bashkohet Kevin De Bruyne në mesfushë.

Lojtari i fundit në ekip është Kylian Mbappe, pavarësisht largimit të Paris Saint-Germain në fazën e hershme nga gara më e madhe për klube. /Telegrafi/