Ledjona e goditi Romeon me vezë në kokë, por nuk u dënua si Rike: Ish-opinionistja e “Big Brother” thumbon produksionin

Ish-opinionistja e “Big Brother Vip Albania 1”, Balina Bodinaku reagon ndaj dënimit të banorëve pas incidentit me vezë nga Lediona Xheladinaj.

Lediona Xheladinaj së fundi ka goditur bashkëbanorin Romeo Veshaj me vezë në kokë. Si pasojë e këtij akti, “Vëllai i Madh” ka marrë një masë të rreptë ndaj banorëve, duke i privuar ata nga të gjitha produktet e sponsorave të cilat ishin në dispozicion brenda shtëpisë së BBVA.

Ky vendim ka shkaktuar reagime të ndryshme, dhe së fundmi ka ardhur një koment i fortë nga ish-opinionistja e njohur e “Big Brother Vip Albania 1”, Balina Bodinaku.

Ajo ka zgjedhur të shprehë pakënaqësinë e saj ndaj vendimit të produksionit përmes një postimi në InstaStory.

“Edhe një gjë tjetër nuk kuptova: Ledionës dje nuk i erdhi Zarf, sepse Romeo nuk reagoi si Egla ndaj Rikes? Pra, si i bie? Ledionën e shpëtoi Romeo nga një penalizim, ose nominim i mundshëm? Po standartet e njëjta të gjykimit të Vëllait të Madh?” shkruan ish-opinionistja.

Balina Bodinaku vazhdon të jetë një figurë e vëmendjes së opinionit publik, pasi nuk ngurron të ndajë mendimet e saj të hapura dhe të drejtpërdrejta në lidhje me zhvillimet brenda shtëpisë së BBVA. /Telegrafi/