Ish-ylli i Manchester United, Alex Telles kurorëzon dashurinë më partneren në një ceremoni private në Maldive

Ish-ylli i Manchester United, Alex Telles është martuar me Vitoria Telles.

Dyshja organizuan një ceremoni magjepsëse martese në Maldive, teksa filloi pushimin nga angazhimet në futboll.

Vitoria ndau foto të fustanit të saj të mrekullueshëm të nusërisë në faqen e saj të Instagramit.

Ajo mund të shihej e veshur me një fustan të bardhë ndërsa mbante në dorë një buqetë me lule të verdha.

Siç rezulton, çifti i famshëm tashmë ishte i martuar.

Vitoria ka shpjeguar në profilin e saj: “Po! Po martohem! Jemi martuar tashmë në letër… këtë muaj, më 28, një vit më parë!”.

“Pra, na lindi rasti që të bëjmë një festë këtu… Alex organizoi gjithçka! Unë thjesht po shkoj. Jam shumë e emocionuar! Nuk kam as fjalë për të shpjeguar atë që ndjej!”, ka thënë bukuroshja.

Vitoria ndau gjithashtu një video të saj dhe Telles duke qëndruar në një platformë prej druri me një pamje piktoreske të detit.

Telles, i cili tani luan për Al-Nassr së bashku me Cristiano Ronaldon, ndau gjithashtu një foto të darkës pas ceremonisë duke treguar qirinj, petale trëndafili dhe zemra në një plazh. /Telegrafi/