Madonna thyen heshtjen – flet për herë të parë pas problemeve me shëndetin si dhe për rikthimin në turne

Madonna ka thyer heshtjen duke folur për herë të parë në rrjetet sociale që nga shtrimi në spital.

64-vjeçarja u shtrua në spital në fillim të këtij muaji, me raportimet se ajo po ‘vjellte në mënyrë të pakontrolluar’.

Krijuesja e hitit “Material Girl” u dërgua me urgjencë në një ambulancë për trajtim, me mjekët që zbuluan se ajo kishte kontraktuar një infeksion të rëndë bakterial, por fatmirësisht më vonë u konfirmua se ishte kthyer në shtëpi dhe se po bënte më mirë.

Ajo mes tjerash ka folur edhe për turneun e saj, të cilin e la në gjysmë për shkak të problemeve me shëndetin.

Këngëtarja e “Vogue” shkroi: “Faleminderit për energjinë pozitive, lutjet dhe fjalët shëruese e inkurajuese”.

Lexo po ashtu Madonna akoma e lodhur pas infeksionit bakterial, por refuzon të heqë dorë nga turneu

“E kam ndjerë dashurinë tuaj. Jam në rrugën e shërimit dhe jam jashtëzakonisht mirënjohëse për të gjitha bekimet në jetën time”.

“Mendimi im i parë kur u zgjova në spital ishin fëmijët e mi”, shtoi mes tjerash ikona e muzikës pop.

“Mendimi im i dytë ishte se nuk doja të zhgënjeja askënd që bleu bileta për turneun tim”.

“Gjithashtu nuk doja t’i zhgënjej njerëzit që kanë punuar pa u lodhur me mua gjatë muajve të fundit për të krijuar shfaqjet e mia. E urrej të zhgënjej dikë”.

Ajo vazhdoi: “Fokusi im tani është shëndeti im dhe forcimi dhe ju siguroj se do të kthehem me ju sa më shpejt që të mundem”.

“Plani aktual është që të riplanifikohet pjesa e turneut në Amerikën e Veriut dhe të fillojë në tetor në Evropë. Nuk mund të isha më mirënjohëse për kujdesin dhe mbështetjen tuaj. Me dashuri, M”, përfundoi postimi i Madonnas. /Telegrafi/