Shpërthim në një fabrikë kimike në Slloveni, raportohet për të paktën dhjetë të lënduar

Në orën 08:35, policia sllovene ka marrë njoftim për shpërthim dhe zjarr në zonën e fabrikës kimike Melamin në Kočevje të Sllovenisë.

Pas kësaj, zjarrfikësit dhe shërbimet e shpëtimit ndodhen në vendngjarje, shkruajnë mediat e huaja, përcjell Telegrafi.

❗️OPOZORILO❗️

[Eksplozija v tovarni Melamin]

Pozivamo naj ljudje ostanejo v zaprtih prostorih in se ne gibljejo na prostem dokler traja intervencija.

Aktivirane so gasilske enote, zdravstvene enote, enota ELME, aktivirana je tudi helikopterska pomoč.

— Uprava RS za zaščito in reševanje (@URS_ZR) May 12, 2022

“I këshillojmë të gjithë banorët e zonës që të mbyllin dritaret dhe të mos lëvizin në ambient të hapur. Gjithashtu nuk duhet t’i afrohen vendit të ngjarjes”, citohet të ketë thënë policia.

Ndërkohë mediat raportojnë se si pasojë e shpërthimit, ka më shumë se dhjetë të lënduar.

Madje, theksohet se dy prej tyre kanë pësuar djegie aq të rënda sa që me helikopter janë transportuar në Lubjanë.

Ende nuk ka ndonjë detaj rreth shkaktarit të shpërthimit.

Qyteti, i cili është rreth 55 kilometra (30 milje) në juglindje të kryeqytetit Ljubljana, ka një popullsi prej rreth 8,000 banorë. /Telegrafi/