Mediat serbe shkruajnë se po i vjen fundi pauzës në betejën për njohje të reja, apo tërheqjen e njohjeve të Kosovës. Një gjë të tillë e kanë paralajmëruar autoritetet në Prishtinë, por edhe nga presidenti serb Aleksandar Vuçiq. Madje analisti serb Dushan Janjiq thotë se Qeveria e Albin Kurtit ka përgatitur një fushatë diplomatike, për njohje të reja në vjeshtë.
Në Marrëveshjen e Washingtonit, të nënshkruar më 4 shtator 2020 në Shtëpinë e Bardhë nga ish kryeministri Hoti dhe presidenti serb Vuçiq, të dyja palët u zotuan se deri në fund të shtatorit 2021 do të përmbahen nga beteja për anëtarësim e Kosovës në organizatat ndërkombëtare dhe serbët nga fushata për “çnjohje”.
Media serbe “N1” shkruan se pothuajse një vit më vonë, gjithçka ka ndryshuar. Jo vetëm që nuk është më Trump [ish presidenti amerikan], por marrëveshja e shtatorit të kaluar në Washington mbeti një dokument i vdekur – në dy letra të të ndryshme që Beogradi dhe Prishtina e nënshkruan me administratën presidentit Trump.
Megjithatë, një pikë e kësaj marrëveshjeje ka mbijetuar dhe deri tash është respektuar – Prishtina nuk ka lobuar për njohje të reja dhe anëtarësim në organizata ndërkombëtare, as Beogradi nuk është përpjekur të bëjë tërheqje të reja të njohjeve.
“Në takimin në Stamboll, Ministri i Mbrojtjes i Kosovës u bëri thirrje të hapur kolegëve të tij nga Ukraina, Gjeorgjia dhe Azerbajxhani që në vendet e tyre të avokojnë për njohjen e Kosovës”, shkruan gazeta serbe, përcjell Telegrafi.
Dushan Janjiq nga Forumi për Marrëdhënie Etnike thotë se Qeveria e Albin Kurtit ka përgatitur një fushatë diplomatike.
“Ata po përgatiten për vjeshtë. Testi i tyre i parë është UNESCO, pastaj shkojnë në Interpol. Pra shkojnë përmes testeve. Absolutisht është e artë se partnerët e tyre, para së gjithash Shtetet e Bashkuara do t’i mbështesin. Unë e shoh këtë nga kontaktet me diplomatët nga vendet që e kanë njohur Kosovën dhe atyre që nuk e kanë njohur. Shoh se po ndryshojnë qëndrimet lidhur me UNESCO -n”, tha Janjiq.
Presidenti serb Vuçiq tha se thirrjet e ministrit të Mbrojtjes së Kosovës drejtuar Ukrainës, Gjeorgjisë dhe Azerbajxhanit ishin një shkelje e drejtpërdrejtë e Marrëveshjes së Uashingtonit.
“Faleminderit që na liruan duart”, i tha presidenti Vuçiq.
Në pyetjen e “N1” nëse është shkelur dispozita e Marrëveshjes së Washingtonit për përmbajtjen nga fushata për njohje, Ambasada e SHBA në Beograd udhëzoi të dyja palët që të vazhdojnë dialogun.
“Ne inkurajojmë zyrtarët në Beograd dhe Prishtinë të respektojnë angazhimet e marra në marrëveshjen e Washingtonit dhe të gjejnë një mënyrë për t’iu qasur dhe zgjidhur kësaj çështjeje përmes dialogut që udhëhiqet nga Bashkimi Evropian”, thanë nga Ambasada Amerikane. /Telegrafi/
Lufta Prigozhin - Putin
Më shumëNga Rubrika
Operacioni “Korridori”, arrestohet 47-vjeçari në Kukës, tentoi të trafikonte kanabis drejt Kosovës
Ambasada e SHBA-së në Kosovë: Qëndrojmë me familjet e të zhdukurve nga lufta
Asnjëherë nuk do të harrojmë, PDK: Janë edhe 1617 qytetarë të Kosovës të zhdukur në luftë nga regjimi i Serbisë
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Sa realist është anëtarësimi i Kosovës në KiE?
Themelorja konfirmon aktakuzën ndaj Agron Mustafës, ngarkohet se i shkaktoi dëm afër 7 milionë euro Telekomit
Dita kombëtare e të zhdukurve, Osmani: Pas anëtarësimit në KiE, familjarët e të pagjeturve do të mund të padisin Serbinë
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Kurti optimist, shpjegon se si do ta menaxhojë sfidën për anëtarësimin e Kosovës në Këshill të Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë