Dafina Zeqiri: Kam kaluar një periudhë të rëndë depresioni, kam shkuar edhe te një psikologe

Këngëtarja e njohur, Dafina Zeqiri, ka folur së fundmi në një intervistë të gjatë rreth jetës dhe karrierës.

Teksa vuri në dukje punën për albumin e saj të ri, Dafina nuk hezitoi të flasë edhe për periudhat e vështira në jetën e saj.

Ndër të tjerash, Zeqiri kujtoi se si në një periudhë të caktuar të jetës ishte përballur me depresion dhe ankth.

Lexo po ashtu Nëna e Dafina Zeqirit dikur ishte këngëtare, ajo do të rikthehet me një këngë dedikuar vajzës në albumin e ri të Dafinës

Ajo tregoi se për t’u kuruar nga kjo gjendje ishte këshilluar me një psikologe, duke thënë se nuk askujt nuk duhet t’i vijë turp të kërkojë ndihmë në raste të tilla.

“Kur ti thua se shëndeti është në rend të parë kjo është shëndeti, pra pika më e rëndësishme e shëndetit. Të thonë mos fol, pse mos me fol, unë kam shpreh interes kam shkuar të një psikologe, nuk është me shku te mjeku veç pse po të dhemb lukthi, eh po të vjen marre me shku te një njeri që je t’u kaluar një ankth, depresion. Viktima 14 vjeçare, tutesh se kanë me të gjyku unë mendoj se na si shtet që ka talentë është e rëndësishme me tregu se ne përnime na intereson për gjithçka me i ndihmu njëri-tjetrit. Krejt ata që e kanë kalu depresionin ose ankthin duhet ta kuptojnë se është normale, e ndër ta jam edhe unë që kam kaluar një kohë shumë të vështirë”, tha Dafina përgjatë emisioni.

Këngëtarja Zeqiri është shquar gjithmonë për sinqeritetin e saj në intervista, duke zgjuar kështu vetëdijesimin për stigmën dhe kujdesin që duhet pasur ndaj shëndetit mendor. /Telegrafi/

View this post on Instagram

Love you!

A post shared by 𝕯 𝖆 𝖋 𝖎 𝖓 𝖆 (@dafina.zeqiri) on Jun 8, 2020 at 7:10am PDT