Nipi i reperit Snoop Dogg ndërron jetë në mënyrë tragjike, vetëm 10 ditë pas lindjes

Reperi Snoop Dogg dhe familja e tij po vajtojnë për humbjen tragjike të nipit të tij të mitur, Kai Love.

Foshnja vdiq për fat të keq më 25 shtator vetëm 10 ditë pasi u lind, shkruan DailyMail, transmeton Telegrafi.

Djali i Snip Dogg, Corde Broadus bëri njoftimin në mediat sociale me një video marramendëse të djalit të tij të mbështjellë në një batanije spitalore, të enjten.

Videoja u shfaq për të treguar që djali i tij i ndjerë u nda nga nëna e tij në njësinë e kujdesit intensiv neonatal, ndërsa vogëlushja me emrin Eleven i dha vëllait të saj një puthje të butë.

Të dashurit dëgjohen në prapavijë duke thithur lotët dhe duke folur ëmbël me vogëlushin dhe foshnjën e ndjerë.

Në përshkrimin e imazheve të ndarë me ndjekësit në Instagram, Corde shkroi: “Kai Love 9/15/19 – 9/25/19”.

“Biri im Kai solli aq shumë dashuri dhe pozitivitet në këtë botë. Energjia e tij do të jetojë dhe këto 10 ditë dashuri do të jenë gjithnjë të veçanta për ne”, shkroi ai.

“Le ta çmojmë të gjithë jetën dhe ata që duam ndërsa jemi këtu. Faleminderit, kishte shkruar babai i foshnjës, njëherësh djali i Snoop Dogg.

Snoop, emri i vërtetë i të cilit është Calvin Cordozar Broadus Jr., nuk e ka komentuar vdekjen, megjithatë gruaja e tij Shante iu drejtua tragjedisë në mediat sociale. /Telegrafi/