0Shares

Paralajmërimin për një urdhërarrest ndaj Albin Kurtit, Lëvizja Vetëvendosje e vlerëson si ndikim politik të një ‘shteti të kapur’.

Albin Kurti, njëri nga katër deputetët e “Vetëvendosjes” të akuzuar për aktivizim të gazit lotsjellës në seancat e Kuvendit nuk ishte i pranishëm në gjykatë.

Gjyqtari Beqir Kalludra paralajmëroi se do të merren masa për këtë çështje.

Ai paralajmëroi sot lëshim të urdhërarrestit dhe paraburgim ndaj Albin Kurtit.

Shkodran Hoti, zëdhënës i Vetëvendosjes ka thënë për Arbresh.info se ky veprim e dëshmon edhe njëherë që Gjykatat në Kosovë janë të kalura.

Sipas tij, në njërën anë ka fletëarrest për Kurtin e në anën tjetër ka gjoba siç ka thënë qesharake për dëshmitarët që kanë munguar në seancë.

“Ky është një veprim politik që dëshmon që gjykatat në Kosovë janë të kapura për shkak se në njërën anë kemi urdhër arrest në anën tjetër kemi gjoba qersharake për dëshmitarët që kanë munguar në seanca gjyqësore dhe përderisa nuk kemi përndjekje të strukturave paralele serbe, pjesëtarëve të tyre që vazhdimisht janë aktiv, kemi përndjekje të aktivistëe politikë dhe të deputetëve që kanë mbrojtur interesin e shtetit të Kosovës”, është shprehur Hoti.

Të Ngjajshme
Shfaq Komentet (0)