Forcat ruse po përpiqen të rrethojnë qytetin e Lysychanskit

Beteja për dy qytete kyçe në Ukrainën lindore po shkon drejt “një kulmi të frikshëm” ndërsa forcat ruse përpiqen të rrethojnë trupat ukrainase që mbrojnë Lysychansk.

Përpjekjet e Rusisë për të kapur Sievierodonetsk dhe Lysychansk – dy qytetet e mbetura nën kontrollin ukrainas në Luhansk – janë kthyer në një luftë të përgjakshme rrënimi, me të dyja palët duke shkaktuar viktima të rënda. Moska, gjatë dy javëve të fundit, ka arritur të bëjë fitime të qëndrueshme.

“Luftimi po hyn në një lloj kulmi të frikshëm”, tha Oleksiy Arestovych, raporton theguardian.

Forcat ruse po përpiqen të rrethojnë trupat ukrainase që mbrojnë Lysychansk, tha zyrtari i lartë ukrainas i mbrojtjes Oleksiy Gromov.

Serhiy Haidai, guvernatori i rajonit të Luhanskut, një nga dy në Donbasin lindor, shtoi se forcat ruse kishin qenë të suksesshme në përparimet e tyre.

Ai tha se forcat armike kishin kapur Loskutivka, një vendbanim në jug të Lysychansk, i cili kërcënonte të izolonte trupat ukrainase.

Ndryshe, Rusia është duke u përpjekur që të fut nën kontroll pjesë lindore të shtetit ukrainas. /Telegrafi/