Është zhvilluar xhiro e 23-të në BKT Superligën e Kosovës në futboll, ku nuk kanë munguar edhe befasitë.
Vëmendja e adhuruesve të futbollit kosovar në këtë xhiro ka qenë në Suharekë, ku Ballkani është përballur me Llapin dhe pikët e plota mbetën në shtëpi, pasi skuadra e Ilir Dajës triumfoi me rezultat 1-0.
Drita është befasuar nga Drenica duke u mposhtur 2-1 në Skenderaj, derisa humbje ka pësuar edhe Prishtina në udhëtim te Dukagjini i Klinës.
Gjilani i është rikthyer fitoreve në kampionat pasi ka triumfuar me rezultat të pastër 2-0 ndaj Ulpianës, ndërkohë Malisheva ka mposhtur me rezultat të thellë Feronikelin 6-1.
Si çdo javë edhe këtë xhiro Telegrafi ka zgjedhur më të mirët të javës në BKT Superligë.
Portieri
Florjan Smakiqi ka qenë ndër më meritorët për fitoren e madhe të Drenicës ndaj Dritës. Portieri shtatlartë ka bërë disa pritje fantastike në këtë duel duke fituar vendin në formacionin e javës.
Mbrojtja
Kësaj radhe vije me katër, duke marrë parasysh lojën e mirë që kanë shfaqur mbrojtësit në xhiron e 23-të.
Shkëlzen Lushtaku vjen në krahun e djathtë të mbrojtjes duke qenë fantastik në përballjen ndaj Dritës. Në qendër të mbrojtjes është Meti Useini i Gjilanit që ishte i pakalueshëm në duel me Ulpianën, derisa përkrah tij vjen Ardin Dallku i Dukagjinit, që tregoi lojë shumë të mirë përballë Prishtinës.
Krahun e majtë të mbrojtjes e zë vendin Astrit Thaqi që ishte i pakalueshëm në derbin e javës mes Ballkanit dhe Llapit.
Mesfusha
Kushtrim Gashi ka shkëlqyer në derbin e xhiros. Mesfushori defensivë ka dominuar në mesfushë duke shkatërruar thuajse të gjitha aksionet e Llapit. Krahas Kushtrim Gashit në mesfushë është një tjetër Gash, dhe ai i Drenicës Fatlum Gashi. Mesfushori pejan ka shkëlqyer ndaj Dritës duke shënuar golin e parë dhe duke dominuar mesfushën me plot yje të Dritës.
Para tyre vjen Mentor Zhdrella që ka shkëlqyer këtë xhiro. Mesfushori me përvojë të madhe ishte më i miri ndaj Prishtinës duke shënuar golin e parë dhe duke fituar një penallti.
Sulmi
Gerhard Progni si gjithmonë më i miri në fushë për Gjilanin. Kapiteni i kuqebardhe zhbllokoi rezultatin ndaj Ulpianës me një gol të bukur dhe ishte më i miri në fushë.
Edhe kapiteni i Dukagjinit zë vend në treshen e sulmit. Altin Merlaku ka shkëlqyer ndaj Prishtinës, ku përpos golit të shënuar u angazhua edhe në defensivë duke kontribuar shumë në fitoren e madhe të klinasve.
Ermal Krasniqi ka qenë vendimtar në fitoren e Ballkanit ndaj Llapit. Sulmuesi këmbëshpejtë vendosi ndeshjen me një gol fantastik duke i dhënë tri pikë të mëdha skuadrës së Ilir Dajës.
Trajneri
Ilir Daja përsëri është trajneri i javës në BKT Superligë. Trajneri i Ballkanit ka fituar një tjetër derbi duke përgatitur ekipin në mënyrën më të mirë të mundshme. Tiranasi ka arritur t’i fitojë të gjitha ndeshjet zyrtare me Ballkanin, një në Kupë dhe pesë në Superligë.
/Telegrafi/
View this post on Instagram
Promo
Reklamo këtuLufta Prigozhin - Putin
Më shumëRoma 0-2 Bayer Leverkusen, nota e Granit Xhakës dhe të tjerëve
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe
Xhaka me Bayer Leverkusenin hap të madh drejt finales, Roma bie në ‘Olimpico’
Barcelona e hapur për të shitur yllin e madh të ekipit
Tifozët e Real Madridit kanë mbetur të habitur me praninë e ‘lojtarit misterioz’ me ekipin në Gjermani
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe