Sipas raportimeve, Pamela Anderson dhe bashkëshorti i saj i pestë, Dan Hayhurst, janë ndarë pas vetëm 13 muajsh martesë.
Ish-aktorja e “Baywatch”, 54 vjeçe, paraqiti kërkesën për divorc në vendlindjen e saj, në Kanada, ku ishte zhvendosur me bashkëshortin e saj të ri vitin e kaluar, raportoi Revista Rolling Stone të enjten duke cituar një burim të afërt me çiftin.
Ndarja e çiftit vjen pothuajse një vit pasi DailyMail zbuloi se të dy ishin kurorëzuar me martesë pasi ranë në dashuri gjatë ditëve të para të izolimit nga coronavirusi, në 2020.
Por një burim i afërt me çiftin i tha revistës: “Pamela dashuron aq autentikisht sa jeton” dhe se romanca e “vorbullës pandemike” kishte përfunduar.
Anderson dhe Hayhurst, i cili ishte truproja e saj, shkëmbyen betimet në një ceremoni intime në terrenin e shtëpisë së saj kanadeze në ishullin Vancouver në prag të Krishtlindjeve të vitit 2020.
“Jam pikërisht aty ku duhet të jem – në krahët e një njeriu që më do vërtet”, tha ajo për DailyMail në një intervistë janarin e kaluar.
Anderson, e cila ka shtetësi të dyfishtë, kishte jetuar me Hayhurst në ishullin Vancouver pas vitesh qëndrimi në Kaliforninë Jugore, ku ajo bëri emër duke luajtur rolin e CJ Carter në filmin dramë/aksion të viteve ’90, “Baywatch”.
Por burimet i thanë revistës se Anderson është larguar nga shtëpia martesore e çiftit dhe aktualisht është kthyer në Malibu duke kaluar kohë me dy djemtë e saj.
Vajza e kopertinës së Revistës “Playboy” është parë në vendlindjen e saj disa herë që nga fundi i vitit të kaluar dhe së fundmi është parë javën e kaluar pa unazën e saj të martesës.
Ajo u fotografua të enjten e kaluar duke bërë një shëtitje nëpër qytet me asistentin e saj dhe qenin e saj të adhurueshëm.
Anderson hoqi dorë nga makijazhi dhe tregoi bukurinë e saj natyrale, ndërsa doli e veshur me një fustan të thurur ngjyrë kremi dhe i la të lirshme flokët e saj bionde.
Ajo shëtiste me qenin dhe ndihmësin e saj dhe në një moment u ndal për pak kafe në një kafene të quajtur “Blue Bottle Coffee”.
Anderson ka në pronësi një shtëpi plazhi në komunitetin luksoz buzë plazhit që nga viti 2008, por thuhet se ka dhënë me qira pronën në vlerë prej shtatë milionë dollarësh (6.1 milionë euro) në vitet e fundit për 50,000 dollarë (44,000 euro) në muaj.
Ikona bionde u fotografua më parë në Malibu pa burrin e saj disa herë në muajin nëntor.
Kthimi i saj në Kaliforni besohej se ishte pjesërisht për shkak të mbështetjes së saj për djalin e madh Brandon Lee, i cili po lansonte linjën e tij të veshjeve, “Swingers Club Capsule Collection”, në atë kohë.
Të dy Anderson dhe babai i Brandon, bateristi i “Motley Crue”, Tommy Lee, ishin të pranishëm në ngjarjen e zhvilluar në Los Angeles.
Anderson dhe Lee, të cilët u martuan në mënyrë famëkeqe në vitin 1995 pasi njiheshin vetëm katër ditë me njëri-tjetrin dhe gjithë drama që i pasoi në vitet në vazhdim, tani do të jenë subjekt i serialit të ri biografik “Pam & Tommy”, i cili do të fillojë transmetimin më 2 shkurt.
Në serial luajnë aktorët Lily James dhe Sebastian Stan në rolet e Pamela Anderson dhe Tommy Lee, së bashku me Seth Rogan, Nick Offerman dhe Taylor Schilling.
Çifti kishin një djalë të dytë, Dylan Jagger Lee, përpara se të ndaheshin në vitin 1998. Anderson është martuar pesë herë me katër burra të ndryshëm.
Në vitin 2006 ajo u martua me artistin e muzikës ‘rock’, Kid Rock dhe u divorcua nga ai një vit më vonë. Më pas ajo u martua me producentin Rick Solomon dy herë – në vitin 2007 dhe 2013. E para përfundoi me anulim.
Në vitin 2020, ajo thuhet se ishte gjithashtu e martuar me producentin hollivudian Jon Peters për 12 ditë në janar, por mohoi se ajo martesë ishte një ceremoni zyrtare.
Ajo kishte gjetur sërish dashurinë me bashkëshortin aktual Dan Hayhurst më vonë atë vit, pasi të dy u takuan në Kanada gjatë ditëve të para të pandemisë së coronavirusit. /Telegrafi/
Promo
Reklamo këtuLufta Prigozhin - Putin
Më shumëErjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
"Veç je zhdukur prej jetës time" - Blero dhe Afrona tregojnë mes lotësh se përse nuk funksionoi martesa e tyre
Aktorja më e pasur në botë ka afro tre miliardë euro pasuri - por shumica as nuk kanë dëgjuar ndonjëherë për të
Madonna dhe puthja e saj pasionante me një nga valltaret gjatë performancës në Brazil
"Produksioni doli keq, nuk ishte marrëveshje" - Roberti flet për postimin që u bë viral dhe zbulon 'tradhtinë' që Xhensila ia bëri Besit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak