Monchi: Nuk kishim fat në short, shpresojmë në kualifikim pasi ndeshja kthyese luhet në Olimpico  

Drejtori sportiv i Romës, Monchi ka zbuluar se i pëlqen që ndeshje kthyese e çerekfinales së Ligës së Kampionëve me Barcelonën do të luhet në Olimpico, ndërsa katalunasi i cilësoi si kundërshtar të fortë.

Monchi pranoi se Roma nuk ishin shumë me fat në shortin që i tërhoqi me Barçën, të cilët ende janë të pamposhtur në Evropë dhe në La Liga këtë sezon, por e kanë bërë të qartë se ai kishte ‘besim’ në Giallorossët e tij.

Lexo po ashtu Hidhet shorti për çerekfinalen e Ligës së Kampionëve, Juventus - Real Madrid ndeshja kryesore

“Ne nuk ishim shumë me fat, por duam të luajmë këtë kualifikim”, ka thënë fillimisht drejtori sportiv, Monchi për Premium Sport.

“Kam besim në ekipin tim, ne duhet të dalim me dëshirën për të bërë diçka të rëndësishme”.

“Ne e dimë se Barcelona është një nga ekipet më të mira në botë, por ne duhet të mendojmë se mund të ecim përpara”.

“Në futboll, luani 11 kundër 11. Nëse bëjmë gjërat siç duhet, mund të ecim përpara. Barça nuk është vetëm Messi, ata janë një ekip shumë i mirë, por Roma mund t’i mposht”.

“Barcelona e Valverdes është më e balancuar, ata janë përmirësuar shumë në mbrojtje dhe janë rritur shumë”.

Lexo po ashtu Totti: E donim Sevillen ose Liverpoolin, Barcelona e fortë por edhe ata shqetësohen nga Roma

“Avantazh luajtja e ndeshjes së parë në Barcelonë? Më pëlqen fakti se kthimi do të luhet në Olimpico”.

“Nëse ne largohemi nga Camp Nou me një rezultat të mirë, ne mund të kemi një lojë të mirë me tifozët tanë pas nesh”, përfundoi drejtori sportiv i Romës. /Telegrafi/