Katy Perry të premtën sjellë “Bon Appetit” me Migos

Bon Appetit! Katy Perry shumë shpejt do ta servojë projektin e ri të saj në duet me Migos.

Pop ylli ka vendosur që të bashkëpunojë me Migos për projektin që lansohet më 28 prill.

Kopertina e singlit të ri e sheh kokën e Katy Perryt në një pjatë plot fruta, teksa anëtarët e grupit Migos kapin me dorë frutat (shihen vetëm duart e tyre), shkruan Telegrafi.

Pas super hitit “Chained to the Rhythm”, “Bon Appettit” është singli i dytë i albumit të ri të Katy Perryt, i pari që prej albumit “Prism” në vitin 2013.

Ajo do të performojë më 20 maj në Saturday Night Live (SNL) por nuk dihet nëse Migos do të performojnë po ashtu në këtë emision.

Migos nga ana tjetër vazhdojnë të realizojnë bashkëpunime që i shohin ata jashtë hip hopit, sidomos në projektin e fundit me Calvin Harris të asistuar nga Frank Ocean, “Slide”.

Quavo (anëtari i grupit Migos) po ashtu mund të dëgjohet në këngën e Justin Bieber, Lil Ëayne dhe Chance the Rapper në bashkëpunim me Dj Khaled në këngën e tij të re “I’m the One” që po ashtu lansohet të premtën.

Në anën tjetër albumi i tyre “Culture” po ashtu është certifikuar me platinum së fundmi. Treshja do të fillojë turneun me Future “Nobody Safe Tour” që nisë më 4 maj në Memphis. /Telegrafi/