Një prej reperëve më të mirë shqiptar, por që ka ndaluar aktivitetin e tij tash e sa kohë, Ledri Vula, kohëve të fundit është bombarduar nga kërkesat e shumë prej fansave të tij lojalë që t’i kthehet muzikës. Telegrafi sjell arsyet pse Ledri duhet ta bëjë këtë.
Ledri ndaloi aktivitetin e tij nga muzika para saktësisht një viti. Konflikti i Babastars me grupin rival nga Shqipëria, OTR, e ka pasur në front Ledrin. Por, pos kësaj lidhja me ish të dashurën Dafina Zeqiri ka shpjerë drejt një sulmi të pa precedentë ndaj tij, rrethanat e të cilit incident dihen tashmë.
Këto dhe skandalet tjera bënë që Ledri, i cili rrjedh nga një familje me kulturë dhe edukim të lartë, të ndalojë aktivitetin nga muzika, të largohet nga Babastars dhe t’i thotë lamtumirë Dafinës.
Vendimi i duhur në momentin e duhur. Këtë periudhë Ledri e shfrytëzoi shumë mirë. Ai diplomoi në regji të filmit me notë mesatare të shkëlqyer dhe madje fitoi edhe një grant nga qeveria për një kompani që do të mbrojë të drejtat autoriale.
Por, ai së fundmi është parë i shoqëruar nga reperët e njërit apo labelit tjetër dhe nëpër rrjete sociale u tregua aktiv duke komentuar projektet e reja. Ai thellë në zemër e dashuron ende hip hopin, kjo është e qartë, por duket se ka ende një pa siguri se si do ta prisnin fansat e tij dhe nëse do të kthehej, në çfarë forme dhe pjesë e cilit grup do të ishte. Telegrafi sjell disa prej arsyeve pse Ledri duhet t’i kthehet sa më shpejt muzikës.
Fansat
Ledri gëzon një bazë të jashtëzakonshme të fansave. Vetëm në Twitter ai ka rreth 45 mijë ndjekës, më shumë se çdo reper tjetër dhe kjo përkundër mungesës së tij nga skena dhe nga mediumet shqiptare. Në Facebook ai ka rreth katër mijë miq (50 mijë ndjekës), kryesisht njerëz që i njeh. Në Instagram, rrjetin social të fotografive, ai ka 12271 ndjekës. Në po këto rrjete sociale, që thënë realisht përbëjnë bazën e fansave të tij, janë adhuruesit e tij ata që vazhdimisht i bëjnë thirrje që të kthehet.
“Ledri kthehu”, “Pa ty hip hopi nuk ka kuptim”, “I mungon skenës”, “Je më i miri”, “S’ka hip hop pa ty”, “Vdiq repi” – këto dhe shumë e shumë tjera janë komentet e fansave dhe pikërisht fansat duhet të jenë baza e inspirimit të tij për t’iu kthyer muzikës.
Visari a.k.a Skivi
Ledri suksesin e arriti nga fillimet e tij me mikun e ngushtë Visar Shalën, apo Skivin. Ata me grupin Skillz lansuan dy albume fantastike që ngërthyen shumë hite, e të cilat ende dëgjohen nga fansat dhe madje edhe kanë mbetur në analet e hip hopit shqiptar.
Por, që prej largimit të Ledrit nga Babastars, që ishte edhe ndarje e grupit Skillz, Visari nuk ka arritur që t’i përmbushë pritjet dhe e ka pasur të vështirë të veprojë pa Ledrin. Visari është reper i jashtëzakonshëm, por vetëm në grup me Ledrin. Ledri është shumë i mirë, por fantastik me Visarin në grup. Njëri nuk bën pa tjetrin dhe që karriera e të dyve të kthehet në piedestal, bashkimi në një të ardhme të afërt është i pashmangshëm.
Telegrafi e di se ata i kanë rreth 60 këngë të pa publikuara, të gjitha të nivelit më të lartë. Kjo, është një prej arsyeve kryesore pse ai duhet të kthehet.
Noizy
Sigurisht, Ledrit nuk do t’i pëlqejë kur do ta shohë këtë emër në raportin tonë special. Por, një prej arsyeve kryesore pse ai duhet të kthehet në skenën muzikore është reperi nga Shqipëria, me të cilin ai ka pasur gjithçka tjetër, pos marrëdhënie të mira.
Ledri ishte në front gjatë incidentit të Babastars me OTR në aeroportin e Zurichut, ku ishte zhvilluar një rrahje brutale mes grupeve. Ato madje postuan video pas incidentit dhe menjëherë u lansua kënga e Babastars me po të njëjtin titull, që zhvendosi luftën në anën muzikore. Ledri ishte frontmen edhe në këtë këngë, duke shprehur fuqinë e tij me ç’rast e ka fyer dhe demaskuar ashpër Noizyn.
Por, reagimi i Noizyt ishte shumë brutal. Ai u kundërpërgjigj me hitin “Na Jena OTR” që ishte diss i madh ndaj Babastars, një prej më të mëdhenjve në historinë e hip hopit. Edhe në këtë këngë përmendet disa herë emri i Ledrit, të cilin Noizy e fyen ashpër. Sidoqoftë, kjo nuk i dha fund karrierës së Ledrit.
Ledri nuk duhet ta lë me kaq. Kështu, në rast se ndonjëherë Ledri vendos të kthehet në skenën e hip hopit shqiptar, sigurisht se do t’i sqarojë edhe disa hesape të pakryera me Noizyn, në atë që ka qenë dhe mund të jetë betejë mes dy kolosëve të repit.
Industria e muzikës
Industrisë së muzikës shqiptare i ka munguar shumë Ledri në kohët e fundit. Një vit pas largimit të tij, hip hopi humbi shumë në formë dhe në strukturë. Goditja që pësoi industria e muzikës shqiptare ishte e madhe, plagët ende janë të thella. Këtë e di edhe Ledri më shumë se askush tjetër, i cili ishte faktori kryesor pse muzika dhe skena e hip hopit humbi një prej ikonave më të mëdha në ekzistencën e tij.
Mbetet të shihet nëse Ledri do t’i kthehet muzikës, por një gjë është e sigurt – ai ende e ka në zemër repin dhe jetën në studio, prandaj mos u befasoni nëse ndodh diçka në një të ardhme të afërt. /Telegrafi/
Lufta Prigozhin - Putin
Më shumë"Nuk kanë pasur kurrë vajzë të bukur nga Kosova", një video e Rita Orës po bën xhiron në internet
Betejë me Top Channel, Olsi Bylyku thirret përpara Gjykatës
Shkurte Fejza jep lajmin e madh për nder të 50-vjetorit të karrierës
Luka Modric bleu një apartament luksoz në Zagreb - aty ku pritet të kthehet për të jetuar
Donaldi fluturon me helikopter mbi shtëpinë e BBVA për t'i bërë befasi Romeos, tregon se si duket shtëpia e famshme nga lart
"O Bes Kallaku", reagimi epik i Xhensilës kur fansat i përmendin ish-partnerin në koncert
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre