Dhomat e Specializuara të Kosovës (DhSK) në Hagë kanë marrë vendim që të vazhdojnë masën e paraburgimit për ish-presidentin e Kosovës, Hashim Thaçin, ish-kryetarin e Kuvendit, Kadri Veselin, dhe ish-deputetin, Ismet Bahtjarin.
Në vendime të veçanta për Thaçin dhe Veselin, trupi gjykues ka konstatuar se ende ekzistojnë rreziqe që ata të pengojnë procesin gjyqësor.
“Më 15 prill 2024, Trupi Gjykues, me vendime më vete për secilin, vazhdoi paraburgimin e Kadri Veselit dhe Hashim Thaçit. Trupi gjykues theksoi se vazhdon të ekzistojë rreziku i pengimit të procesit dhe i kryerjes së akteve penale, i cili mund të zvogëlohet vetëm me monitorimin e komunikimeve që përdoret në objektin e paraburgimit të DHSK-së.”
Doyle shtoi se në rastin e Thaçit, trupi gjykues ka identifikuar se ai ka ndarë informacione rreth dëshmive të dëshmitarëve të mbrojtur me vizitorët, dhe ka dhënë udhëzime të caktuara një vizitori për t’i kaluar një dëshmitari të ardhshëm.
“Në këtë kontekst, në rastin e z. Thaçi Trupi Gjykues përsëriti konstatimet e mëparshme se duket se z. Thaçi u tregoi vizitorëve informacion të nxjerrë gjatë dëshmive të dëshmitarëve të mbrojtur dhe se dokumentet sugjerojnë se ai i dha një vizitori jo të privilegjuar udhëzime për t’ia kaluar një dëshmitari të ardhshëm të ZPS-së në lidhje me mënyrën dhe përmbajtjen e dëshmisë që do të jepte ai dëshmitar”, u shpreh ai.
I pyetur për vendimin ndaj Ismet Bahtjarit, Doyle konfirmoi se Gjykatësi i Procedurës Paraprake ka vlerësuar se paraburgimi është ende i arsyeshëm, veçanërisht për shkak se Bahtijari ka motivet, mjetet dhe mundësinë për të penguar procesin dhe për të manipuluar provat.
Përveç kësaj, Doyle informoi se “kërkesa e Veselit për leje për apelimin e vendimit mbi pranimin e disa provave është refuzuar nga trupi gjykues, i cili ka vërejtur mungesën e provave për ndonjë padrejtësi.”
Ndërsa, në lidhje me rastin e Pjetër Shalës, Doyle bëri të ditur se deklaratat përmbyllëse janë dëgjuar dhe trupi gjykues e ka shpallur çështjen të mbyllur, duke shtuar se vendimi i gjykimit do të shqiptohet brenda njëzetenjëdhjetë ditëve.
Në përfundim, Doyle theksoi se Apeli ka hedhur poshtë apelimin e Haxhi Shalës kundër vendimit për paraburgimin e tij dhe theksoi se “versioni publik i vendimit për rishikimin e paraburgimit të Ismet Bahtjarit është publikuar.”
Dhomat e Specializuara të Kosovës vazhdojnë të mbajnë informime javore çdo të enjte për të njoftuar opinionin mbi zhvillimet e reja në lidhje me procedurat gjyqësore, njofton Telegrafi.
Info-shtesë
Në Gjykatën Speciale aktualisht janë duke u zhvilluar disa gjykime ndaj ish-eprorëve të lartë të Ushtrisë Çlirimtare të Kosovës.
Deri më tani, gjykata ka dënuar ish-eprorin e UÇK-së, Salih Mustafa me 22 vjet burgim për krime lufte si dhe janë shqiptuar dënime për pengimin e drejtësisë për dy ish-figura të Organizatës së Veteranëve të UÇK-së, Hysni Gucati dhe Nasim Haradinaj.
Ndër gjykimet që po vazhdon është edhe ai ndaj Veselit, ish-kryeparlamentarit Jakup Krasniqi, ish-presidentit të Kosovës, Hashim Thaçi, dhe ish-deputetit Rexhep Selimi.
Ata kanë një aktakuzë të përbashkët për krime lufte dhe krime kundër njerëzimit, akuza që i kanë mohuar.
Dhomat e Specializuara dhe Zyra e Prokurorit të Specializuar hetojnë krimet e pretenduara të pjesëtarëve të Ushtrisë Çlirimtare të Kosovës, të kryera kundër pakicave etnike dhe rivalëve politikë që nga janari i vitit 1998 deri në dhjetor të vitit 2000.
Gjykata është themeluar në vitin 2015 nga Kuvendi i Kosovës dhe është pjesë e sistemit gjyqësor të Kosovës, por vepron me personel ndërkombëtar dhe ka selinë në Hagë.
Promo
Reklamo këtuLufta Prigozhin - Putin
Më shumëNga Rubrika
Ljupço Palevski mbërrin në Maqedoni, masa të veçanta në burgun e Shkupit
Vitin e kaluar në Maqedoninë e Veriut u regjistruan 23.545 shitblerje të patundshmërive, me vlerë 910 milionë euro
Bujar Osmani për atentatin ndaj kryeministrit sllovak: I uroj shërim të shpejtë
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3