QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës

Drejtori i Institutit Octopus, Agim Musliu ka publikuar në “X” një video-deklaratë të patriarkut serb, Porfirije.

Musliu ka shkruar se Porfirije në këtë deklaratë përdor gjuhë të urrejtës dhe dezinformon rreth Kosovës.

“Gjuhë e urrejtjes nga #Porfirije, patriarku i Kishës Ortodokse Serbe, i cili dezinformon kundër Republikës së #Kosovës, dhe e quan atë “Serbia e Vjetër”. Vendet perëndimore kanë reaguar dje për ndalimin e hyrjes së tij në Kosovë”, ka shkruar Musliu.

Lexo po ashtu QUINT-i dhe BE-ja reagojnë pasi s'iu lejua vizita në Kosovë patriarkut serb: Në kundërshtim me dispozitat e Planit të Ahtisaarit

Në këtë deklaratë Porfirije shprehet se Kosova është djepi dhe shtëpia e tyre.

“Në Kosovë, në Serbinë e vjetër janë të gjallët dhe të vdekurit tanë”, shprehet patriarku serb.

Kujtojmë se MPJD ditë më parë refuzoi kërkesën e Patriarkut tё Kishёs Ortodokse Serbe, Porfirije, për të vizituar Patriarkanën e Pejës.

MPJD ka thënë se nuk do të lejohen vizita të tilla derisa “Serbia vazhdon të shkelë marrëveshjen e Brukselit, të mos lejojë vizitat e zyrtarëve tanë shtetërorë në Serbi dhe për më tepër të mos ndalet me fushata kundër Republikës së Kosovës në arenën ndërkombëtare, si në proceset integruese ashtu edhe ato të njohjes”.

Lexo po ashtu MPJD refuzon kërkesën e patriarkut serb Porfirije për të vizituar Kosovën

E pas këtij refuzimi reaguan vendet e QUINT-it dhe Bashkimi Evropian. Në një deklaratë të përbashkët ata u shprehën se janë të shqetësuara nga vendimi i Qeverisë së Kosovës për të mos lejuar
Patrikun Porfirije të Kishës Ortodokse Serbe dhe shoqëruesit e tij, të hyjnë në Kosovë.

“Vendimi i Qeverisë është në kundërshtim me dispozitat e Planit të Ahtisaarit, i cili qartë specifikon të drejtat, privilegjet dhe imunitetet për klerikët e Kishës Ortodokse Serbe dhe nuk është në përputhje me obligimet e Kosovës në dialogun e lehtësuar nga BE-ja”, thuhet në reagimin e QUINT-it.”, thuhej në reagimin e QUINT-it dhe BE-së. /Telegrafi/

Heat speech by #Porfirije, the patriarch of Serb Orthodox Church, who disinform against the Republic of #Kosovo, and calls it "Old #Serbia".
Western countries reacted yesterday to the ban on his entry into Kosovo😶 pic.twitter.com/ZlMQLL3iP6

— Agim Musliu (@agim_musliu) May 15, 2024