Samiti i OSBE-së në Shkup, Bullgaria e gatshme të lejojë fluturimin e Lavrovit
Ka gjithnjë e më shumë gjasa që Malta të jetë kryesuesja e ardhshme e OSBE-së, pra nga 1 janari 2024. Shefi i diplomacisë së RMV-së, Bujar Osmani, informoi se sot në Vjenë u morën vendime të rëndësishme, të cilat hapën rrugën për arritjen e konsensusit për kryetar të ri të OSBE-së pas përfundimit të mandatit njëvjeçar të Maqedonisë në fund të vitit. Më parë, pengesë për kandidaturën e Estonisë ishte vetoja ruse.
Osmani ka njoftuar në rrjetet sociale se vendimi për kryesimin e Maltës do të merret zyrtarisht në mbledhjen e ardhshme të OSBE-së në Shkup këtë javë.
“E dini që Estonia është një kandidate zyrtare. Dihet gjithashtu se ka vende që janë kundër kandidaturës. Kandidatura e Maltës u propozua për kryesimin e OSBE-së si alternativë. Mendoj se jemi të përgatitur mirë për këtë”, thotë Robert Abella – kryeministër i Maltës.
Në ndërkohë, Komisioni Evropian u bëri thirrje vendeve anëtare të BE-së që të lejojnë fluturimin e avionit shtetëror rus dhe zbarkimin e ministrit të Jashtëm rus Sergej Lavrov në Shkup. Sipas Brukselit, kjo nuk do të përbënte shkelje të sanksioneve të BE-së, pasi është një ngjarje e rëndësishme me karakter shumëpalësh. Nga ana tjetër, Lavrov konfirmoi se është e mundur të fluturojë në Shkup mbi Bullgarinë.
“Do të ishte e drejtë që vendet të japin leje që aeroplani i Federatës Ruse të fluturojë mbi territorin e tyre dhe autoritetet në Maqedoninë e Veriut të lejojnë Lavrov të ulet dhe të marrë pjesë drejtpërdrejt në Maqedoni. Kjo nuk do të përbënte shkelje të sanksioneve”, tha Peter Stano – zëdhënës i KE-së.
“Maqedonia na ftoi të marrim pjesë në takimin e ministrave të punëve të jashtme të OSBE-së. Bullgaria thuhet se i ka premtuar Maqedonisë të hapë hapësirën e saj ajrore. Nëse e bën, ne do të jemi atje”, tha Lavrov.
Zëdhënësi i Komisionit Evropian, Peter Stano, tha se është mirë që Lavrov do të ketë mundësinë të dëgjojë drejtpërdrejt pikëpamjet evropiane për, siç tha ai, sjelljet destruktive të Rusisë, njofton Alsat.
“Është gjithmonë mirë të marrësh pjesë për t’u përballur me Lavrovin ballë për ballë për aktivitetet e paligjshme të regjimit të Kremlinit dhe gënjeshtrat që përhap. Çdo forum ndërkombëtar ku mund të flasim ballë për ballë, të shprehim pikëpamjet tona dhe t’i ballafaqojmë me sjelljet e tyre të paligjshme, gënjeshtrat dhe manipulimet e tyre është sigurisht i mirë, sepse është pjesë e qasjes sonë ndaj konfliktit që Rusia ka shkaktuar në Ukrainë”, shtoi Stano.
Stano bëri të ditur se është e mundur që në takimin në Shkup të marrë pjesë edhe nënkryetari i Komisionit, Josep Borrel. Takimi fillon me darkë joformale të mërkurën në mbrëmje, ndërsa pjesa zyrtare është të enjten dhe të premten.
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Kosova jashtë KiE-së, deputetja finlandeze akuzon BE-në se po tregohet e butë me Serbinë
Kosova jashtë KiE, Mujanoviq: BE po çon ujë në ‘mullirin’ e Vuçiqit
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Plagosje me armë zjarri në Nashec të Prizrenit
Vjosa Osmani në Clinton Global Initiative në Bullgari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë