LAJMI I FUNDIT:

Vetëm dy vende do të mbijetonin pas apokalipsit bërthamor – çka do t’i shpëtonte këto shtete

Vetëm dy vende do të mbijetonin pas apokalipsit bërthamor – çka do t’i shpëtonte këto shtete

Gazetarja Annie Jacobsen, autorja me librat më të shitur në New York Times dhe finaliste e Çmimit Pulitzer 2016, u shfaq së fundmi në një podcast të CEO-ve.

Ajo ka shpenzuar vite duke hulumtuar pasojat e mundshme të një apokalipsi bërthamor që, thotë ajo, “do të vriste rreth pesë miliardë njerëz në 72 orët e para”.

Jacobsen thekson se tre miliardë njerëzit e mbetur do të përballeshin me vështirësi të jashtëzakonshme.

“Dimri bërthamor, si pasojë e parashikuar e luftës globale, do ta bënte pothuajse të pamundur prodhimin e ushqimit. Shumica e botës, sigurisht gjerësitë e mesme, do të mbuloheshin nga një shtresë akulli. Iowa ose Ukraina do të ishin nën borë për 10 vjet”, tha gazetarja.

Pasojat e një dimri bërthamor do të ishin fatale për shumicën e njerëzve, shtoi ajo, raporton dailymail.

“Bujqësia do të dështonte dhe kur bujqësia dështon, njerëzit vdesin. Përveç kësaj, shtresa e ozonit do të dëmtohej aq shumë sa njerëzit do të duhej të jetonin nën tokë dhe do të ketë helmim nga rrezatimi”, pohoi gazetarja.

Gazetarja amerikane zbulon se çfarë i tha profesori Brian Thune, ekspert i klimës dhe atmosferës, i cili ka studiuar/modeluar ndikimet e luftës bërthamore.

“Të vetmet vende që mund të mbështesin realisht bujqësinë, pas dimrit bërthamor, janë Australia dhe Zelanda e Re”, vuri në dukje ajo.

Megjithatë, studiuesit besojnë se do të ketë grupe të izoluara të të mbijetuarve në disa vende të planetit edhe në skenarët më pesimistë.

Australia dhe Zelanda e Re janë vende me sektorë të fortë bujqësor dhe ndoshta më të sigurta se Hemisfera Veriore, ku do të ndihej ndikimi i një lufte bërthamore.

Jacobsen beson se bunkerët e ndërtuar nga miliarderët në SHBA dhe në botë do të ishin të dobishëm për sa kohë që ata kanë një burim energjie.

“Çfarë do të bëjnë kur burimi i energjisë të thahet, si karburanti për gjeneratorët? Pastaj do të duhet të dalin jashtë”, përfundoi ajo. /Telegrafi/

Në trend Botë

Më shumë
Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Botë
Si dhe pse përplasen tufat e shpendëve me aeroplanët?

Si dhe pse përplasen tufat e shpendëve me aeroplanët?

Botë
Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Botë
Shpërthim i madh në qytetin rus

Shpërthim i madh në qytetin rus

Evropa
Komandanti i Forcave Ajrore ukrainase publikon pamje nga aksioni i pilotëve të tyre - i quan “fantazmat e Kievit”

Komandanti i Forcave Ajrore ukrainase publikon pamje nga aksioni i pilotëve të tyre - i quan “fantazmat e Kievit”

Evropa
Ushtari rus rrëfen për humbjet e mëdha që i kanë pësuar në Kharkiv: Ishim 100 në regjimentin tim, sot jemi 12

Ushtari rus rrëfen për humbjet e mëdha që i kanë pësuar në Kharkiv: Ishim 100 në regjimentin tim, sot jemi 12

Evropa
Kalo në kategori