Idris Elba merr një vendim përfundimtar nëse do të jetë James Bondi i radhës

Idris Elba ka marrë një vendim përfundimtar për të qenë James Bondi i ardhshëm pasi fansat vazhdojnë të spekulojnë.

Aktori 50-vjeçar është shpallur si favorit për 007-n e radhës prej disa kohësh, pavarësisht se nuk është zbuluar akoma pretendenti zyrtar.

Fansat kanë spekuluar se kush është në radhë që kur Craig përfundoi të luante personazhin me “No Time to Die” të 2021-ës.

Sa i përket Elbas, ai u pyet për mendimet e tij për këtë çështje gjatë pjesëmarrjes në Samitin e Qeverisë Botërore në Dubai këtë javë, shkruan Ladbible.

Dhe duket se ai është fokusuar në një gjë tani – filmin e ardhshëm të Lutherit, “The Fallen Sun”.

Ndërsa diskutonte për filmin e ri, ai e nxori veten jashtë garës për të luajtur Bondin, duke lënë të kuptohet se ai thjesht është shumë i investuar në rolin aktual të detektivit.

Elba tha: “Kemi rreth 10 vjet që punojmë në shfaqjen televizive dhe kështu ambicia e natyrshme është ta çojmë atë në ekranin e madh dhe kështu jemi këtu me filmin e parë”.

“E dini, shumë njerëz flasin për një personazh tjetër që fillon me J dhe mbaron me B, por unë nuk do të jem ai djalë”.

“Unë do të jem John Luther. Ky jam unë”.

Komentet e Idrisit i bëjnë jehonë atyre të bëra në LADbible gjatë promovimit të filmit të tij “Beast” vitin e kaluar, kur ai refuzoi të komentonte se çfarë e bën Bondin perfekt.

Duket se ai i ka mbaruar këto biseda – fansat thjesht do të duhet të kthejnë vëmendjen e tyre diku tjetër derisa producentët më në fund të bëjnë një zgjedhje.

Por kjo nuk do të thotë se nuk ka asgjë për t’u emocionuar, veçanërisht pasi “Luther: The Fallen Sun” do të dalë më 24 shkurt, njerëz, ndjekur nga një publikim i Netflixit më 10 mars. /Telegrafi/