“Jo nuk e kam lexuar, pasi s’jam ekspert i ekonomisë. S’jam ai që jap unë komente për ligjin. Janë ekipet që punojnë dhe janë profesionistë, të cilët do të dalin me një vlerësim që do ta publikojmë”, ka thënë ai. /Telegrafi/
Mbi 300 mijë nxënësve në Kosovë po iu mohohet e drejta për shkollim, pasi Sindikata e Bashkuar e Arsimit, Shkencës dhe Kulturës vendosi për grevë në arsim.
Tash kur kanë kaluar 24 ditë nga fillimi i grevës, disa shkolla kanë filluar t’i rikthehen procesit mësimor.
Në Gjakovë janë pesë shkolla të cilat kanë marrë vendim që ta ndërpresin grevën, ndërsa në Podujevë, sipas Drejtorisë së Arsimit, gjysma e shkollave i janë rikthyer procesit mësimor.
Numri i nxënësve që do t’i kthehen bankave shkollore pritet të rritet nga e hëna e 19 shtatorit.
Kështu bëri të ditur kryetari i Këshillit të Prindërve të Kosovës, Jeton Demi, në një prononcim për Telegrafin.
Ai tha se dëmet që janë shkaktuar te fëmijët dhe prindërit nga kjo grevë janë të mëdha dhe pengojnë kthimin në normalitet për një periudhë të gjatë.
“Ne po marrin informacione se shumë shkolla pritet të fillojnë mësimin javën që vjen dhe kjo na gëzon. Mësimdhënësit duhet ta pranojnë që dëmtimi i mëtejshëm i fëmijëve nuk zgjidh asgjë dhe krijon situatë shumë të rënduar psikike dhe emocionale tek prindërit e fëmijët, pasoja të cilat do të pengojnë kthimin në normalitet për një kohë të gjatë”, u shpreh Demi.
Sipas tij, sa më shumë zgjatë greva aq më shumë zhvlerësohet institucioni i shkollës, dhe “nga kjo nuk fitojmë asnjë”.
E drejtuesi i Institutit “EdGuard”, Rinor Qehaja, për Telegrafin deklaroi se rikthimi në proces mësimor është sinjal i mirë i një vetëdijesimi të rritur të mësimdhënësve që mjeti sindikal i ndërprerjes së procesit mësimor nuk është racional.
“Vendimmarrës për çdo veprim sindikal duhet të jenë mësimdhënësit, jo kryesia, pra, mësimdhënës të pandikuar dhe shumë të vetëdijshëm për rëndësinë e mësimdhënies. Rikthimi në proces mësimor është sinjal i mirë i një vetëdijesimi të rritur të mësimdhënësve që mjeti sindikal i ndërprerjes së procesit mësimor nuk është racional”, u shpreh Qehaja.
Në fund, ai tha se shpreson që arritja e qëllimeve sindikale të arrihet përmes reagimeve të tjera pa cenuar nxënësit.
“Mësimdhënësit tanë meritojnë pagë të dinjitetshme”.
Kërkesa kryesore e SBASHK-ut drejtuar Qeverisë së Kosovës është 100 euro shtesë për të gjithë punëtorët e arsimit deri në miratimin e Ligjit të Pagave. Por, kjo kërkesë nuk ka marrë mbështetje nga ekzekutivi.
Përfaqësuesit e Qeverisë dhe ata të sindikatës disa herë janë takuar, por nuk kanë arritur të gjejnë një zgjidhje.
Ditë më parë, kryeministri Albin Kurti ka prezantuar një pako për përballje me inflacionin, përmes së cilës të gjithë punëtorëve në sektorin publik do t’u ndahen nga 50 euro shtesë për tre muaj. Por, SBASHK-u po vazhdon të këmbëngul në kërkesën për 100 euro.
Në ndërkohë, Ministria e Punëve të Brendshme të enjten ka publikuar Projektligjin për Paga, për të cilën ministrja e Arsimit, Arberie Nagavci gjatë fjalës së saj në Kuvendin e Kosovës, kishte thënë se nuk ka marrë asnjë koment nga SBASHK-u.
Lidhur me këtë, kryetari i SBASHK-ut, Rrahman Jasharaj, për Telegrafin ka deklaruar se nuk mund të jap ndonjë koment pasi nuk është i fushës së ekonomisë.
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Bie nataliteti në Kosovë, ASK dhe MPB me statistika të ndryshme për lindjet
Plagosje me armë zjarri në Nashec të Prizrenit
Flet shqiptari që vrau gruan: Nuk pendohem, hante me paratë e mia dhe më tradhtonte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore