Camila Morrone zhvendoset në apartamentin e ri pas ndarjes nga Leonardo Dicaprio teksa ai thuhet se i ka vënë syrin modeles ukrainase Maria Beregova

Ish-e dashura e Leonardo DiCaprio, Camila Morrone, u pa duke u zhvendosur në një apartament të ri në Malibu, pas ndarjes së saj tronditëse nga aktori 47-vjeçar.

Ndarja ndodhi pak pas ditëlindjes së 25-të të aktores dhe është raportuar se ai tani është i lidhur me modelen ukrainase 22-vjeçare, Maria Beregova.

Morrone, e veshur me një bluzë të bardhë dhe xhinse, dukej e lodhur ndërsa miqtë e ndihmonin atë ditën e lëvizjes për në vendbanimin e saj të ri.

Në fillim të kësaj jave, ylli u kap duke kontrolluar të njëjtin apartament, shkruan DailyMail.

Kjo lëvizje e saj vjen në mes të raporteve se DiCaprio ka “festuar çdo natë” që nga ndarja, duke u shoqëruar me “ekuipazhin e tij të vjetër dhe disa vajza” sipas Page Six.

Ai u fotografua duke u përpjekur të mbante larg vëmendjen në klubin ekskluziv të natës në New York, Ned NoMad, veshur me të zeza dhe një kapele bejsbolli.

Klubi, në pronësi të manjatit të jetës së natës Richie Akiva, hapi dyert e tij për anëtarët ekskluzivë në Manhattan në fund të qershorit.

Ylli i “Wolf of Wall Street” thuhet se ka festuar me një skuadër modelesh, të moshës 21 dhe 23, në Ned, e cila përfshin akses në një bar në çati, restorant në tarracë, 167 dhoma gjumi dhe një restorant Cecconi.

Ndërkohë Camila u pa duke u shëtitur në Malibu me një mik dhe duke kontrolluar apartamentin në të cilin u pa duke u zhvendosur të premten (1 shtator).

Camila dhe ish-i i saj Leonardo, i cili është 22 vjet më i madh se ajo, u raportuan të martën se i dhanë fund lidhjes së tyre në heshtje në fillim të kësaj vere, pohoi një burim i afërt me Leo për The Sun.

Ndarja e fundit duket se përforcon një model që ylli i “Once Upon a Time In Hollywood” ka krijuar për të mos u takuar kurrë publikisht me një grua mbi moshën 25-vjeçare.

Burimet e afërta me DiCaprio pohuan për publikimin se ai dhe Morrone ishin ndarë kohët e fundit.

“Leo dhe Camila i dhanë fund lidhjes së tyre gjatë verës”, tha një burim.

“Nuk ka ndjenja të këqija mes tyre. Thjesht erdhi në një përfundim të natyrshëm”, tha ky burim.

Në korrik, Leonardo ishte fotografuar me modelen ukrainase Maria Beregova, e cila është vetëm 22 vjeçe, gjatë udhëtimit të tij në Saint-Tropez.

DailyMail.com zbuloi se Beregova kishte rikthyer të përdorte mbiemrin e saj të vajzërisë pasi u divorcua nga bashkëshorti i saj Abdelhafid, 30 vjeç, gjyshi i të cilit ishte një pasardhës i diktatorit libian, kolonel Muammar Gaddafi.

Bukuroshja ukrainase filloi të përdorte sërish emrin e saj të vajzërisë gjatë udhëtimit, ku u fotografua me yllin e “Django Unchained”.

Beregova u rrit në Zvicër dhe ndoqi një shkollë ekskluzive me konvikt, por ajo aktualisht është e vendosur në Londër dhe po studion për të marrë përsipër biznesin farmaceutik të familjes së saj.

Në të njëjtin udhëtim, Leo u pa gjithashtu duke festuar me mikun e tij të vjetër Tobey Maguire. Aktori “Spider-Man” është pjesë e filmit të famshëm të DiCaprios “Pussy Posse”

Ylli i “Revenant” u prezantua për herë të parë me Camila në vitin 2008, kur ajo ishte vetëm 12 vjeçe.

Miku i tij i vjetër Al Pacino, i cili kishte vite që kishte lidhje me nënën e Camilas, Lucila Sola, bëri prezantimet dhe Leonardo me sa duket mbeti miq me familjen për vite me rradhë.

Leonardo dhe Camila u bashkuan zyrtarisht diku në vitin 2017, pas ndarjes së tij me modelen Nina Agdal vetëm disa ditë para Festivalit të Filmit në Kanë, megjithëse përfaqësuesit e të dyve fillimisht mohuan se ishin bashkë.

Të dy e ngritën profilin e marrëdhënies së tyre vitin e ardhshëm, kur morën pjesë së bashku në festën e ditëlindjes së Ellen DeGeneres dhe u panë më vonë gjatë vitit në Coachella.

Më vonë në vitin 2018, një burim anonim i tha People se lidhja ishte përshkallëzuar në seriozitet, pasi të dy ishin ‘shumë të dashuruar dhe seriozë’ dhe ‘folën për fejesë’.

Burimi pohoi se Leo ‘nuk kishte dashuruar kurrë një vajzë si kjo’, madje ai po mendonte të kishte fëmijë me dashurinë e tij të re.

Në vitin 2019, angazhimi i Leos për të mos diskutuar publikisht marrëdhënien e tij u testua kur ai dhe Camila patën filma premierë në Festivalin e Filmit në Kanë.

Ai përfaqësoi filmin e tij të Quentin Tarantino, “Once Upon a Time In Hollywood”, ndërsa ajo shkoi në tapetin e kuq për dramën e saj të mirënjohur “Mickey And The Bear”, por të dy nuk ecën së bashku në asnjërin shfaqje dhe ai nuk e identifikoi atë si e dashura e tij në festival.

Në vitin 2020, ata vazhduan modelin e tyre të ecjes veçmas në tapetet e kuq, por ata bënë paraqitjen e tyre të parë publike si çift kur u ulën së bashku brenda ceremonisë së “Oscars” atë vit.

Tani Camila duket se i është bashkuar radhës së ish-të dashurave të Leos, asnjëra prej të cilave nuk dihet se ka pasur lidhje me aktorin pas moshës 25-vjeçare.

Pas lajmeve për ndarjen e tij të fundit, nisën talljet pa mëshirë në mediat sociale për aktorin sepse në dukje ishte vetëm me vajza të reja, veçanërisht sepse ndarja e tij e fundit dukej se erdhi kaq shpejt pas ditëlindjes së 25-të Camilas. /Telegrafi/