Rikthimi i festivalit “Sunny Hill”, nënkryetarja e Prishtinës: Të gjitha mundësitë për zgjidhje ishin në tavolinë, nuk kishte vullnet politik

Nënkryetarja e Prishtinës, Donjeta Sahatçiu, kishte reaguar ndaj Ministrisë së Administratës së Pushtetit Lokal, për anulimin e festivalit “Sunny Hill” në Prishtinë.

U tha se humbi organizimin e festivalit si pasojë e vonesave të dokumentacioneve nga ana e MAPL-së, e cila thotë se komuna nuk ia ka dorëzuar në kohë të gjitha dokumentet e nevojshme.

Mirëpo, me rikthimin e festivalit sërish në Prishtinë, ka ardhur një tjetër reagim nga Sahatçiu e cila tha se për këtë të gjitha mundësit për zgjidhje ishin në tavolinë, por nuk kishte vullnet politik.

“Nuk ka pas qysh tjetër, këtu e ka pas dhe e ka vendin. Të gjitha mundësit për zgjidhje ishin në tavolinë. Vullnet politik nuk kishte, por, vullnet qytetar kishte”, ka thënë ndër tjera Sahatçiu.

Lexo po ashtu Mbajtja e “Sunny Hill Festival 2022” në Prishtinë dhe Tiranë konfirmohet edhe nga Dua Lipa

Ndërkaq, rikujtojmë që përveç në Prishtinë, këtë vit festival mbahet edhe në Tiranë.

Më poshtë postimi i plotë i Donjeta Sahatçiut:

Sigurisht që Sunny Hill mbetet në Prishtinë. S’ka pas qysh tjetër, këtu e ka pas dhe e ka vendin. Të gjitha mundësitë për zgjidhje ishin në tavolinë. Vullnet politik nuk kishte. Por, vullnet qytetar kishte. Aventura një javore politike e vonesës për zgjidhje nuk është asgjë tjetër përveçse fëmijërore. Urime Prishtinë, urime Kosovë! /Telegrafi/