Ministri i Mbrojtjes i Kosovës, Armend Mehaj, sot ka marrë pjesë në takimin e Grupit të Kontaktit të Mbrojtjes së Ukrainës (UDCG), në Shtabin e Përgjithshëm të NATO-s në Bruksel, të organizuar dhe kryesuar nga Sekretari i Mbrojtjes i Shteteve të Bashkuara të Amerikës, Lloyd J. Austin III.
Ministri Mehaj, duke folur në këtë takim, ka thënë se “agresioni i Federatës Ruse ndaj Ukrainës na detyroi ta shikojmë çështjen e sigurisë globale krejt ndryshe, veçanërisht për vendet më të vogla që përballen me kërcënime të ngjashme”.
Ai ka thënë se sulmi ushtarak kundër Ukrainës ka mobilizuar NATO-n dhe aleatët e saj dhe ka bashkuar qeveritë dhe njerëzit e botë e lirë dhe demokratike.
“Qeveria e Republikës së Kosovës dhe populli i Kosovës, që nga ditët e para të agresionit, pa asnjë hezitim, kanë mbajtur anën e duhur të botës së lirë, që do të thotë se jemi rreshtuar natyrshëm përkrah vendeve të NATO-s dhe aleatëve të saj në mbështetje të Ukrainës”, ka thënë Mehaj, transmeton Telegrafi.
Më tej ai ka thënë se “Qeveria e Republikës së Kosovës ka dënuar pushtimin rus të Ukrainës dhe ka vendosur sanksione në përputhje me ato të Shteteve të Bashkuara dhe Bashkimit Evropian”.
“Qeveria e Republikës së Kosovës ka hartuar një program për të pritur gazetarët ukrainas gjatë këtyre kohërave të vështira me mandatin e rezolutës së votuar nga Kuvendi i Republikës së Kosovës. Po ashtu, Qeveria e Republikës së Kosovës ka ndarë një fond të veçantë për ndihmë për Ukrainën dhe është gati të strehojë 5 000 refugjatë”, ka thënë ai.
“Në këtë drejtim nuk janë vetëm institucionet por edhe organizatat joqeveritare janë duke ofruar ndihmën e tyre. Në Kosovë, një numër i grave ukrainase i janë nënshtruar kurseve intensive të deminimit, për të ndihmuar vendin e tyre të pastrojnë mjetet shpërthyese, sigurisht pasi lufta të ketë mbaruar”.
Mehaj ka thënë se “ndihma e Kosovës për Ukrainën, sado simbolike, ka treguar vullnetin e popullit të saj dhe Qeverisë së Republikës së Kosovës për të ndihmuar Ukrainën në momente të tilla të vështira, ndërsa Rusia vazhdon të bëjë luftë kundër një vendi të pavarur”.
“Me aftësitë dhe përvojat e dëshmuara të Forcës së Sigurisë së Kosovës, ne dëshirojmë ta fokusojmë kontributin tonë në mbështetje të Ukrainës me fushat e mëposhtme: trajnime për kërkim-shpëtim; trajnime për deminim, si dhe trajnime për mbrojtje kundër materieve kimike, biologjike, radiologjike dhe bërthamore”.
Në fund të fjalës së tij Mehaj ka thënë se “në varësi të zhvillimeve të ardhshme, Qeveria e Republikës së Kosovës do të bëjë gjithçka në kapacitetin dhe fuqinë e saj për të ofruar ndihmën e saj për Ukrainën dhe për të qëndruar së bashku me NATO-n dhe aleatët e saj për të arritur synimin përfundimtar që është liria për Ukrainën”.
Bashkë me ministrin Mehaj, në takimin e Grupit të Kontaktit të Mbrojtjes së Ukrainës (UDCG), në Shtabin e Përgjithshëm të NATO-s në Bruksel, ka marr pjesë edhe komandanti i FSK-së, gjeneralmajori Bashkim Jashari. /Telegrafi/
Lufta Prigozhin - Putin
Më shumëA po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Çfarë përfiton ekonomia e Kosovës me regjistrimin e popullsisë
Arrestohet një serb në Bërnjak, dyshohet se ka kryer krime lufte në Gjakovë
Italiania e dashuruar me Sarandën: Sa erdha thashë do të jetoj këtu, tani kam biznes
Ura e Fshajtë e dëmtuar, paraqet rrezik për kalimtarët
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë