Juventusit i kthehen dy lojtarë të rëndësishëm për ndeshjen me Interin në finalen e Kupës së Italisë

Juventusi ka rikthyer në skuadër Manuel Locatellin dhe Luca Pellegrinin për finalen e Kupës së Italisë që zhvillohet nesër ndaj Interit, por vazhdojnë t’i mungojnë katër lojtarë të rëndësishëm.

Përballja për trofeun fillon të mërkurën nga ora 21:00 në ‘Olimpico’ në Romë.

Max Allegri ka publikuar emrat prej 23 lojtarësh për udhëtimin në Romë, duke përfshirë Manuel Locatellin dhe Luca Pellegrinin, të cilët kishin mbetur jashtë si të lënduar.

ᴄᴏᴘᴘᴀ ᴄᴀʟʟɪɴɢ! ✈️🏆#JuveInter #CoppaItaliaFrecciarossa pic.twitter.com/ch9mqUTa32

— JuventusFC (@juventusfcen) May 10, 2022

Locatelli nuk ishte paraqitur që nga dëmtimi i ligamentit në gju në fillim të prillit.

Një tjetër rikthim inkurajues është për 21-vjeçarin Hans Nicolussi Caviglia, i cili kishte qenë jashtë që nga dhjetori 2020 për shkak të një sërë problemesh në gju.

Mattia De Sciglio është pezulluar për finalen e Kupës së Italisë, me Ëeston McKennie, Federico Chiesa dhe Kaio Jorge, që po ashtu mungojnë.

---

Skuadra e Juventusit: Szczesny, Pinsoglio, Perin; Chiellini, De Ligt, Danilo, Cuadrado, Alex Sandro, Pellegrini, Bonucci, Rugani; Arthur, Bernardeschi, Rabiot, Locatelli, Zakaria, Nicolussi Caviglia, Miretti; Vlahovic, Morata, Dybala, Kean, Aké.

📋🏆 𝚃𝚑𝚎 𝙱𝚒𝚊𝚗𝚌𝚘𝚗𝚎𝚛𝚒 𝚛𝚎𝚙𝚘𝚛𝚝𝚒𝚗𝚐 𝚏𝚘𝚛 𝚁𝚘𝚖𝚎 ⚪⚫

💪 Backed by @bitgetglobal#JuveInter #CoppaItaliaFrecciarossa pic.twitter.com/uVGhiVMIZY

— JuventusFC (@juventusfcen) May 10, 2022

---

/Telegrafi/