La Liga pritet ta hetojë marrëveshjen e mundshme të shkëmbimit Griezmann-Saul

Marrëveshja e mundshme e shkëmbimit mes Barcelonës dhe Atletico Madridit që përfshin Antoine Griezmann dhe Sauli Niguez është vendosur që të monitorohet nga La Liga.

Në Spanjë, marrëveshjet e këmbimit nuk ekzistojnë në të vërtetë dhe në vend të kësaj transferimet bëhen në mënyrë të pavarur me vlerësime të ndara.

Dhe kështu, për t’u siguruar që klubet nuk janë të përfshira në ndonjë hile të kontabilitetit, La Liga do të vëzhgojë nga afër marrëveshjen.

Lexo po ashtu Shkëmbimi Griezmann-Saul duket i pashmangshëm, zbulohen detajet

Zhvillimi u zbulua nga Radio Marca dhe El Partidazo de COPE, dhe ky i fundit gjithashtu deklaroi se nëse pagesa e shitjes për Griezmann është më pak se 72 milionë euro, atëherë Barcelona do të ketë humbje.

Nga perspektiva e Barcelonës, motivi i vërtetë për marrëveshjen është që të krijojë hapësira për ri-nënshkrimin e Lionel Messit.

Por, edhe largimi i Griezmannit nuk do të jetë i mjaftueshëm, me shitje shtesë të nevojshme gjatë javëve të ardhshme.

Përndryshe La Liga do të përfshihet edhe një herë për të bllokuar kontratën e re të Messit, pasi Barcelona ka probleme të theksuara financiare. /Telegrafi/