Parashikohen çiftet çerekfinale të Ligës së Kampionëve, ‘short ferri’ për Liverpoolin dhe Real Madridin

Klubit të madh anglez, Liverpoolit iu dha një makth për ndeshjen çerekfinale të Ligës së Kampionëve, pasi parashikohet të ndeshet kundër Bayern Munchen në shortin e simuluar nga faqja e njohur sportive SportBible.

Shortet çerekfinale dhe gjysmëfinale të Ligës së Kampionëve do të bëhen të premten në mesditë në selinë e UEFA-s në Nyon të Zvicrës.

Dhe përpara ceremonisë zyrtare, faqja e njohur SPORTbible mori tetë ekipet e mbetura dhe përmes një kompjuteri simuloi çiftet çerekfinale.

🤩 Introducing your 2020/21 quarter-finalists!

🏆 Predict the champion…#UCL pic.twitter.com/we74XekV76

— UEFA Champions League (@ChampionsLeague) March 17, 2021

Shorti i simuluar pa që ekipi i Jurgen Klopp të çiftëzohej me kampionët në fuqi të Evropës, Bayernin.

Reds luajtën me gjigantët gjermanë edhe në sezonin 2018/19 dhe i mundën ata 3-1 në total për të fituar garën në atë sezon.

13 herë fituesit e garës, Real Madridi gjithashtu u simulua në një short ferri nga Paris Saint-Germain të Kylian Mbappe.

Faqja e njohur gjithashtu shortoi çiftet midis Chelsea dhe Borussia Dortmund si dhe Manchester City kundër Portos.

Shorti i simuluar i çerekfinaleve të Ligës së Kampionëve:

Manchester City – Porto

Real Madrid – Paris Saint-Germain

Liverpool – Bayern Munich

Chelsea – Borussia Dortmund

Ndeshjet çerekfinale të Ligës së Kampionëve do të zhvillohen në 6/7 prill dhe 13/14 prill, ndërsa gjysmëfinalet janë planifikuar për 27/28 prill dhe 4/5 maj.

Finalja e Ligës së Kampionëve do të zhvillohet më 29 maj në Stamboll. /Telegrafi/