Muriqi flet për golin e shënuar dhe ofertat në drejtim të tij: I lumtur me golin, tri pikë të mëdha para derbit me Galatasarayn

Vedat Muriqi ka vazhduar shkëlqimin në futbollin turk me Fenerbahcen.

Sulmuesi i Kosovës ka shënuar golin vendimtar për skuadrën e tij në fitoren e ngushtë 2-1ndaj Ankargucus.

Pas ndeshjes Muriqi ka folur për mediat turke duke thënë se nuk është me rëndësi nëse shënon ose asiston, pasi suksesi i ekipit ka më shumë rëndësi.

“Nuk është me rëndësi nëse shënoj gol apo asistoj. Me rëndësi është që të kemi sukses si ekip. Jam i lumtur për golin e realizuar. Kemi marrë tre pikë të mëdha para derbit Galatasaray”, tha Muriqi që tregoi se dëshiron të realizoj gol edhe në derbin ndaj Galatasarayt.

🔥💪💛💙 pic.twitter.com/87isQu1Z1M

— Fenerbahçe SK (@Fenerbahce) September 21, 2019

“Do të doja të realizoja gol edhe në ndeshjen më të madhe në Turqi. Por, thashë më parë se puna në ekip është më e rëndësishme”, vazhdoi tutje kosovari.

Prizrenasi u pyet edhe rreth interesimit të skuadrave të mëdha si Manchester United, Tottenham Hotspur, Atletico Madrid, Lazio, Napoli apo Fiorentina.

“Sa i përket interesimeve të klubeve është normale pas paraqitjeve të mira. Por, aktualisht jam i fokusuar te klubi im. Dua të bëjë histori me Fenerbahçen. Të ardhmes nuk i dihet”, përfundoi sulmuesi i Kosovës. /Telegrafi/