Turistët tregojnë vizitat zhgënjyese në destinacionet më të popullarizuara në botë (Foto)
Venediku është përplot me kanale të njëjta, Piramidat e Egjiptit janë të vogla, kurse Louvre është çmendurisht i mbushur me njerëz.
Mund të tingëllojnë, si ankesa shumë absurde. Por, për ata që kursejnë para për një kohë të gjatë dhe planifikojnë të vizitojnë destinacionin e preferuar, zhgënjehen kur shohin se nuk kanë të bëjnë asgjë me pritjet që kishin.
Gjithçka filloi në forumin Quora, kur një anëtar pyeti se, “cili është destinacioni turistik, që i ka zhgënjyer më së shumti?”.
Destinacionet në Itali, ishin ato që mblodhën kritikat e para, pasi Drussila Holland, tha se Venediku nuk ia plotësoja as pritjet më të vogla.
“Mund të jetë qytet, ku shkojnë të pushojnë edhe më të pasurit e botës, por e tëra është një kurth. Të gjitha kanalet janë të njëjta dhe iu vjen era kanalizim”, ka thënë Holland.
Sipas saj, “kur arrin është përrallore, kanali të lë pa mend. Por, kaq e pat, të gjitha kanalet janë të njëjta, ti je futur në kurth”, përcjell Telegrafi.
Një anëtar anonim i forumit, ka thënë se më së shumti u dëshpërua nga Florenca – kapsula e ruajtur në kohë e Renesansës, që është shtëpi e katedrales Duomo, galerisë Uffizi dhe muzeut Bargello.
“Duhesh të bësh kilometra të tërë, duke ecur në katrorë”, ka thënë ai shkurt për Florencën, që vërtetë është e ndërtuar në sistem katrorësh dhe gjithnjë del aty ku ishe më parë.
Për Ina Abdul, Piramidat e Gizës në Egjipt, ishin një zhgënjim i madh. Të vetmet objekte nga Shtatë Mrekullitë e Botës, të ndërtuara nga dy milionë gurë dhe mbi 100 mijë njerëz, për Abdul ishin shumë të vogla.
“Nuk ishin aq të mëdha dhe të gjerë, sa i kam imagjinuar gjithmonë”, ka thënë ajo. Colin Merestscy ishte zhgënjyer me Kho Phi Phi Island të Tajlandës.
“Aty më nuk kishte ishull në det, ishte një tmerr me mbeturina plastike, shumë barka dhe turistë të pamëshirshëm që i dëmtojnë koralet”, është ankuar Merestscy.
Derisa Badari Paruganti ka shkruar për pushimet në Bali, plazhet e së cilit, nuk i ka konsideruar si më të mirat.
“Po që se bëni hulumtime të mëdha, mbase edhe mund ta gjeni ndonjë plazh të mirë. Por, do t’ju përfundojë pushimi”, shkroi Paruganti.
Destinacioni më i keq që e ka vizituar Eulises Quintero, është kryeqyteti i Kamboxhias, Phnom Penh.
“Sapo arrita, i dëgjova në hollin e hotelit disa turistë, që ankoheshin se i kanë vjedhur. Stafi iu thoshte se kjo është një ngjarje normale, sepse këtu gjithnjë ka vjedhje”, ka thënë Quintero.
Turisti C. Nthenya është shprehur se Dubai nuk i ka pëlqyer aspak, sepse është një “xhungël betoni”.
“Gjithçka aty është e fabrikuar, pos rërës dhe nxehtësisë së padurueshme. Sikur prej gjithkah janë marrë gjërat më të mira, për t’u vendosur si luksoze në mes të shkretëtirës”, ka thënë Nthenya.
Për Nadhiya Athaide, Tokio ishte e njëjtë.
“I gjithë qyteti më dukej sikur është nga plastika”, ka shtuar ajo.
Derisa Kristin M Wilson, është ankuar për Santorinin me ujëra të kristalta, ndërtesa me kulme të kaltra dhe peizazhe vullkanike.
“Më duket se Santorini, është vendi më i dëshpëruar që kam parë. Është i njëjtë sikur të gjitha ishujt tjerë të Greqisë, vetëm se shumë më i shtrenjtë dhe i mbushur me turistë”, tha e dëshpëruar Wilson.
Charles Tango i është bashkuar diskutimit, që të ankohet për Louvren – muzeun më të madh në botë, ku ndodhen pikturat më të famshme që nga shekulli i gjashtë, deri në ato të shekullit XIX. Për Tango, ishte “çmendurisht i mbushur me njerëz”.
Graham Stephens nuk ka mbetur aspak i kënaqur, me Akropolisin e Athinës.
Megjithëse UNESCO e konsideron si ‘simbolin e civilizimit klasik’, për Stephens ishte vetëm një ‘gërmadhë e madhe, me disa gërmadha tjera të vogla’.
Bashkë me shumë, njerëz që deshën të shkojnë në Times Square të New Yorkut, ishte edhe Amisha Agarwal, i cili kur arriti aty mbeti i zhgënjyer keq.
“Është vetëm një zonë gjigante klaustrofobike, me blerës të pasur dhe shumë të pistë. Në fillim duket mirë, por pas pak momenteve, nuk është asgjë tjetër pos hapësirë e dëshpëruar”, ka përfunduar Agawal. /Telegrafi/
Promo
Reklamo këtuLufta Prigozhin - Putin
Më shumëMahniten shkencëtarët - vullkani i Antarktidës nxjerr kristale ari
Sa rrathë shihni në këtë fotografi?
Dy vjet pasi u diagnostifikua me vitiligo, qeni i zi shndërrohet në të bardhë
Reagimi i qenit pasi u braktis nga pronari i tij – pasi pamjet u bënë virale, dikush u kujdes që t'i gjente një 'shtëpi të re'
Në ceremoninë e diplomimit për zjarrfikës, britaniku i propozon martesë partneres
Njerëzit ndajnë foto të zakoneve më të bezdisshme të partnerëve të tyre
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri