Dafina Zeqiri me çizme në vlerë afro 1300 euro në klipin e ri

Këngëtarja e njohur Dafina Zeqiri, pritet që këto ditë të publikojë projektin e saj më të ri muzikor.

Bëhet fjalë për një këngë të re, e cila me gjasë do të mbajë titullin “Kurgjo nuk kallzojna”, referuar faktit që këtë fjalë ajo e ka përdorur më së shpeshti në imazhet që ka paralajmëruar klipin e ri.

https://www.instagram.com/p/BoyiMn_B2Sy

Si në çdo paraqitje tjetër, Dafina edhe këtë herë nuk do të zhgënjejë me dukjen dhe stilin e saj, gjë për të cilën investon mjaft.

Vetëm një palë çizme që këngëtarja do të bartë në një prej skenave në klipin e saj të ri, kapin shifra shumë të larta eurosh.

Bëhet fjalë për çizmet e markës “Fendi”, të cilat kushtojnë hiç më pak se 1290 euro.

https://www.instagram.com/p/Bo6yE5Lh0Le

Ka qenë faqja “What they wearin” ajo që ka publikuar këtë detaj në Instagram, duke bërë të ditur kështu se sa luksoze janë veshjet e këngëtares.

Dafina këtë vit shënoi një rikthim të fuqishëm në tregun muzikor shqiptar, veçanërisht pas publikimit të këngës “Kalon” me reperin Lumi B, këngë e cila u prit shumë mirë nga fansat e dyshes. /Telegrafi/