LAJMI I FUNDIT:

Atmosferë e jashtëzakonshme në Gjilan, por nuk ka fitues në derbin lokal

Atmosferë e jashtëzakonshme në Gjilan, por nuk ka fitues në derbin lokal

Nuk ka sjellë fitues derbi lokal më i madh në Kosovë mes Gjilanit dhe Dritës që përfundoi pa gola 0-0.

Tifozët e të dyja skuadrave kishin mbushur shkallët e stadiumit duke krijuar një atmosferë fantastike por në fund nuk panë lojë të mirë pasi fusha ishte tejet e rënduar.

Ishte minuta e tretë e ndeshjes, kur mysafirët rrezikuan të parët në këtë takim.

Pas një harkimi të mirë në zonë nga Drilon Musaj, Astrit Fazliu tentoi me kokë por që goditja e tij shkoi jashtë portës.

Vetëm dy minuta më vonë Drita përsëri e rrezikshme kur tentimin e Bujar Shabanit e priti portieri Donat Kaçiu.

Sulmuesi ferizajas i Dritës, Astrit Fazliu u tregua i rrezikshëm përsëri në minutën e 15-të kur goditi jashtë portë edhe pse ishte në pozitë të mirë shënimi.

Rastin e parë serioz për Gjilanin e pati mbrojtësi Leutrim Bekteshi kur goditja e tij shkoi jashtë portës.

E pabesueshme ajo që ndodhi në minutën e 32-të, mesfushori Sali Kosumi goditi bukur dhe topi e kaloi edhe portierin mysafirë por që u ndal në baltën e krijuar para portave, kësisoj Gjilanit iu mohua një gol shkaku i ‘lloçit’.

Pesë minuta para fundit Lirion Leci tentoi shënimin e golit për Dritën nga gjuajtja e lirë por që goditja e tij shkoi mbi portë.

Krejt në fund të pjesës së parë, Viktor Kuka rrezikoi për Dritën por pa sukses.

Me rezultatin e bardhë 0-0 përfunduan 45 minutat e para të këtij derbi lokal.

Pjesa e dytë nisi keq për Dritën, pasi sulmuesi Astrit Fazliu u detyrua ta lë fushën pas lëndimit dhe u zëvendësua nga Kastriot Rexha.

Gjilani rrezikoi në minutën e 57-të me Rusin por që goditja e tij shkoi jashtë portës.

Në minutën e 65-të rastin më të mirë në ndeshje për Dritën e kishte Xhevdet Shabani por që goditja e tij u ndal vetëm nga shtylla.

Tre minuta më vonë futbollistët e të dyja skuadrave u përleshën mes vete pas një faulli nga Filonit Shaqiri, por që gjyqtari i qetësoi me kartonë të verdhë.
Rast tumirë për Dritën kishte edhe Kastriot Rexha në minutën e 72-të, por që priti Donat Kaçiu i vendasve.

Në minutën e 77-të, Gjilani organizoi një kundërsulm të mirë kur Betim Haxhimusa goditi bukur por priti Rexhepi i Dritës.

Rast të mirë shënimi pati edhe Fisnik Papuqi kur për pak nuk shënoi nga goditja e këndit por i vëmendshëm u tregua Rexhepi që largoi topin me vështirësi.

Deri në fund të dyja skuadrat tentuan shënimin e golit por një gjëje të tillë nuk ia arritën dhe ndeshja përfundoi pa gola 0-0.

Kësisoj Drita e mbyllë stinorin vjeshtor në pozitën e tretë me 30 pikë të tubuara pas 18 javëve, katër më pak se lideri Llapi.

Ndërkohë Gjilani mbetet në pozitën e tetë me 26 pikë të grumbulluara. /Telegrafi/

Në trend Sport

Më shumë
Mbreti i Spanjës me reagim epik kur kupton se sa vjeç është Lamine Yamal, bëhet hit në rrjetet sociale

Mbreti i Spanjës me reagim epik kur kupton se sa vjeç është Lamine Yamal, bëhet hit në rrjetet sociale

Përfaqësueset
Rakitic shpërndan një postim që trazon ujërat te kroatët, pas barazimit me Shqipërinë

Rakitic shpërndan një postim që trazon ujërat te kroatët, pas barazimit me Shqipërinë

Përfaqësueset
Materiali nga NASA dhe çmimi marramendës – maska speciale që do ta mbrojë hundën e Mbappes

Materiali nga NASA dhe çmimi marramendës – maska speciale që do ta mbrojë hundën e Mbappes

Përfaqësueset
A mund të jetë top i futbollit me teknologji të lartë dhe çmim prej 160 euro arsyeja e kaq shumë gola spektakolar në Euro 2024

A mund të jetë top i futbollit me teknologji të lartë dhe çmim prej 160 euro arsyeja e kaq shumë gola spektakolar në Euro 2024

Përfaqësueset
Formacionet zyrtare, Holandë - Francë: Mbappe në bankë, Koeman e Deschamps në sulm

Formacionet zyrtare, Holandë - Francë: Mbappe në bankë, Koeman e Deschamps në sulm

Përfaqësueset
Tifozët e Liverpoolit kërkojnë transferimin e top yllit të Euro 2024 para se të jetë tepër vonë

Tifozët e Liverpoolit kërkojnë transferimin e top yllit të Euro 2024 para se të jetë tepër vonë

Premier League
Kalo në kategori